pamwayēs ē-cīstahikasoyin

ōma kiskēyihtamohiwēwin kī-osīhcikatēw ita website maskihkīwiyiniwak asici maskihkī-atoskēyakanak kā-nahicik ē-āpacihtātwaw Canadian okimāwiwin ēkwa kotaka maskihkīwi kiskēyihtamohiwēwina. namōya ōma ē-āpacihtahk kita-itōtamihk. kakikē kakwēcim maskihkīwiyiniw kā-wīhtamask ana kā-nakacihtāt omaskihkīwi otatoskēw COVID-19 cīstahowēwina ohci.

ēhē, ayisiyiniw nistam ē-ayāt COVID-19 kakī-cīstahikasow nahiyikohk nīswāw. namōya kiskēyitamohk tāniyikohk iskohk kā-āpacikoyin ēka kā-ati-āhkosiyin kawī ohci COVID-19. cīstahikasowin nīsohkāmakon ē-ati-osīhcikēmakak kiyawihk ēka kā-katinamin āhkosiwin.

kispin ē-kī-ayāyin COVID-19 pah-pēho isko ē-miyomahcihoyin mīna isko ē-kisipayik pēhowin ohci COVID-19 pamwāyēs ē-cīstahikasoyin.

kispin āsay mRNA cīstahowēwin (Pfizer BioNTech ahpō Moderna) kī-ohtinen nīkān ka-mēkiwin mRNA cīstahowēwin mācika nīswāw ēwako ka-ispayin. pēyakwan nawac ihtāwa kakī-mekiwin kawī ēwako kakī-ohtinamin kispin ihtakon ahpō namōya kiskēyihtakwan, kispin ēka pēyakwan miyikawiyin pītos anima mRNA cīstahowēwin. nānapo pēyakwan isi miywāsinwa mīna atoskēmakanwa.

kispin kī-miyikawin AstraZeneca oskac āsay mīna kakī-nawasonēn anima AstraZeneca mīna mwēci ēwako nīswāw, māka NACI kā-kīsēyihtamok kā-ohtinamin mRNA cīstahowēwin kihtwam.

kahkiyaw cīstahowēwina miyo-ohtinkatēwa kā-āpatahkwaw ōta Canada māmawi ē-acōwipayiw mīna ēka ēkwayikohk maskihkīwikamikohk ē-pihtikwēk mīna mētoni atoskēmakanwa ēka ka-nipahikohk COVID-19.

ōma kēhcinā kāya pēho kita-ohtinamin nīswāw ōma cīstahowēwina ohci mētoni kā-sōhki-nīsohkāmakon. kotaka oski-āhkosiwina macipayinwa ēkwa mihcēt maskihkīwikamikohk pihtikwahāwak ahpō ati-nipahikwahk, poko mētoni mihcēt kā-cīstahotwaw kā-isi-nakinamihk ōma.

kahkiyaw awīyak ohtinahk cīstahowēwiwn poko kiyapic kā-pimitisahahk kā-kī-astahk wīhtamowina. ispī ē-kīsi-cīstahikasoyin, kiyapic sohki-itēyihtakwan kā-itotamihk ōhi ēka kā-āhkosihk, kispēki-nicihciy, ēka kisiwak ka-nātitohk, akonakwēpiso, ayapi kispin kita-āhkosiwimahcihon. ōhi mistahi itēyihtakwanwa:
nīswāw ayamihikisikaw nōcitāmakan kiyaw kā-isi-miyopayikoyin anima ohci COVID-19 maskihkīwi-cīstahowēwin. kispin kīkatinēn COVID-19 pamwayēs ē-cīstahikawiyin ahpō nīswāw ayamihikisikaw kā-kīsi-otinamin kiyapic kakī-āhkosin ohci COVID-19. kispin kita-āhkosiwayan COVID-19 ohci ēkwa āsay ē-kī-cīstahikawiyin, ka-kocīhikawin poko.
ōma cīstahowēwin mōya nakinikēmakan kahkiyaw ēka kā-kāhtinak COVID-19. māka aniki kā-kāhtinacik anima āhkosiwin namōya kēhcinā ka-sōhki-āhkosiwak.
anihi kā-ihtakokwaw cīstahowēwina mistahi nīsohkāmakimakanwa, māka ahpō ana pēyak ayisiyiniw, ēka ē-maskawāyat. kakī-āsōskamakan COVID-19 kispin ki-wāsakāskāwawahk ayisiyiniwak kisiwak ohci ēka ē-pimitisihakwaw anihi kā-kī-askōtamihk miyo-wīhtamakēwina.

namōya, COVID-19 cīstahowēwin ē-sēhkē-ohtinamasohk. kiya tipiyawi kispin ki-wī-ohtinēn ōma COVID-19 cīstahowēwin ahpō namōya.

kahkiyaw kā-wikicik Canada, kiyam ātā ohpimē ē-ohci-otaskitwaw kakī-ohtinamwak COVID-19 cīstahowēwin. namōya katāc kā-ayāyin PHN. mēkwāc ōma, aniki 18 kā-itahtopiponitwaw mīna ayiwāk kakī-ohtinamwak Moderna, AstraZeneca ēkwa Johnson & Johnson cīstahowēwin maskihkīya. aniki 12 kā-itahtopiponitwaw kakī-ohtinamwak Pfizer-BioNTech cīstahowēwin maskihkīya.