cīstahowēwin miyo-ayāwin mīna nākatēyihtamowin

ōma kiskēyihtamohiwēwin kī-osīhcikatēw ita website maskihkīwiyiniwak asici maskihkī-atoskēyakanak kā-nahicik ē-āpacihtātwaw Canadian okimāwiwin ēkwa kotaka maskihkīwi kiskēyihtamohiwēwina. namōya ōma ē-āpacihtahk kita-itōtamihk. kakikē kakwēcim maskihkīwiyiniw kā-wīhtamask ana kā-nakacihtāt omaskihkīwi otatoskēw COVID-19 cīstahowēwina ohci.

kispin māmitonēyihtēn mahti kīsta kakī-ohtinamin COVID-19 cīstahowēwin ita kā-ayāyin, ahpō wī-osīhtayin tipahikan kā-ohtinamin COVID-19 cīstahowēwin. makona ōta capasis ka-miskēn kiskēyihtamohiwēwin, ita kisikawa mīna tipahikan asici itē ē-wīkiyin.

British Columbia
Alberta
Saskatchewan
Manitoba
Ontario
Quebec
New Brunswick
Nova Scotia
Newfoundland and Labrador
Prince Edward Island
Northwest Territories
Nunavut
Yukon

COVID-19 cīstahowēwina miyo-ohtinkatēwa kā-āpatahkwaw ōta Canada namōya astēnamwahk ōhi wawa, kohkōsiwiyās, mostosiwiyās, ahpō kotaka ōhi (fetal products, gelatin, mercury, formaldehyde, aluminum, thimerosal, or latex) mīna anihi ēkā kā-kī-mīcihk ahpō ayamihēscikēwinihk ohci.
mētoni kahkiyaw masinahikātēwa anihi kā-kikinamihk ēkota ita cīstahowēwini-maskihkīhk kakī-miskēn ōhi:

Pfizer-BioNTech: https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/pfizer-biontech.html

Moderna: https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/moderna.html

AstraZeneca: https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/astrazeneca.html

Johnson & Johnson: https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/janssen.html

namōya kīkway ē-patinamohk, mētoni ē-nakatēyihtamihk isi ē-osīhtāhk asici ē-pimitisahamihk tānisi kā-itotamihk. osīhtāniwa mōya kinwēs, wiya ohci nanātohk isi ē-nakacihtācik ēkwa ē-tēpēyimototamihk, masinatahamihk mācika kisiskātimakan.

namōya. anima kā-āpatahk cīstahowēwi-maskihkihk mohkac asicipayiw ahpō mēskocipayiw DNA. anima kā-āpatahk cīstahikēwinihk nisihkāc ē-ati-namatakon ē-ati-osīhcikēmakahk anihi (antibodies) ka-nīsohkamakoyin kītahtawē COVID-19 āhkosiwin kāhtinamani.

Pfizer-BioNTech cīstahowēwi-maskihkiya kī-tēpēyimowak Health Canada awāsisak ohci 12 mīna awasitē.

ōma Moderna, AstraZeneca mīna Johnson & Johnson cīstahowēwi-maskihkiya kī-tēpēyimowak Health Canada ayisiyiniwak 18 ohci mīna awasitē.

āhkami-kocīhtawak mahti kā-miyo-payikwaw COVID-19 cīstahowēwi-maskihkiya aniki ohci oski-awāsisak.

ōta Canada, ōma COVID-19 cīstahowēwin namōya kā-miyikik pēyakwan ita kotaka cīstahowēwina. māka U.S. COVID-19 cīstahowēwina asici kotaka cīstahowēwina kakī-mēkiwak pikwispī asici tāhtakowāc ōma COVID-19 cīstahowēwin asici kotaka pēyakwan ita kisikaw. kakī-pikiskwataw maskihkīwi-otatoskēw mahti kiya ohci ōma. kakī-pikiskwataw maskihkīwi-otatoskēw mahti kiya ohci ōma.

kēkāc poko kahkiyaw awīyak kakī-miyaw ōma cīstahowēwin, mōya mihcēt ayisiyiniwak mōya kā-ohtinamohk cīstahowēwin osam ohci kā-māyiskākotwaw anima kā-kīkastēk ēkota cīstahowēwi-maskihkihk. kispin ōma ati sōhki-ayāmakan COVID-19 āhkosiwin, poko mihcēt kā-cīstahocik. oki nīkān ayisiyiniwak āsay kā-āhkositwaw kā-wīci-kāhcitinamok ōma COVID-19 āhkosiwin poko kiyipa kā-cīstahotwaw mayaw maskihkiy ihtakoki.

ohcitaw poko miywāsin kita-ohtinaman ōma COVID-19 cīstahowēwin, ātā kispin ē-ati-astēpayin kotak ohci āhkosiwin tāpiskōc (e.g., shingles), kispin nistam kotak āhkosiwin ki-ayān ēkwa ēka ē-miyo-paminisoyin kakī-pēhon ka-cīstahikasowin isko astēpayini. ka-kiskēyihtakwan kispin ē-māyiskākoyin cīstahowēwin, anima ohci kotak ka-isāyāyin. pēhoyini mētoni isko astēpayini ohci āsōskamakowi āhkosiwin namōya kotak ka-āsōskamowaw ispī nitaw-cīstahikasoyini.

kispin kita āhkosiskakon COVID-19, ayapi kikihk ka-kocīhikawin mahti ē-ayāyin.

kēkāc kahkiyaw awīyak kakī-miyo-ohtinam ōma cīstahowēwin. mōya kīkway māmaskāci-itēyihtakwan aniki ohci ka-nanihkātisitwaw. ahpō cī namōya atoskēmakan cīstahowēwin aniki ohci ayisiyiniwak ka-nanihkātisitwaw. kispin ē-ayāyin kakwēcihkēmowina nanihkātisiwin ohci pikiskwas maskihkīwi-otatoskēw anima ohci COVID-19 maskihkīwi-cīstahowēwin.

tahto-pisimwaspinēwin mōya kā-kī-wīhtamihk osam mihcēt kīkway ohci itamahcihok tāpiskōc nanātohk kā-isi-kisikak, ka-isi-māmitonēyihtamik, kā-isi-nipahk, ahpō maskihkiya. pihcāyihk itē (uterus) itēyihtakwan ka-nīsohkamākēmakahk miyo-ayāwin. kispin ki-miyo-ayāwin atoskēmakan ēkwa cīstahikasoyini pitos ka-itamahcihon ita (endometrium). ēkosi ētikwē anima cīstahowēwin nānitāw isi mosihok tahto-pisimwaspinēwinihk.

ōma nākatohkē mihcēt kā-māmawinitotwaw ayisiyiniwak kākikē atiht mēskocipayiw opisimwaspinēwinihk. cīstahowēwin ē-tahtoskamikak ka-ihtakowak atiht ē-mosihocik mēskocipayihik pisimwaspinēwinihk. kēhcināhowak okiskēyihtamohiwēwak, cīstahowēwin-maskihkīya kā-miywāsik, namakīkway wīcikātēw kā-astasihk ōma ohci ka-mēskocipayik opisimwaspinēwinihk.

COVID-19 maskihkīwi-cīstahowēwin moya wayawīmakan kā-kīsi-cīstahikasoyin, mācika ka-wāsakāskāwat awīyak ē-kī-cīstahot namōya ka-pitos-ispayiw opisimwaspinēwin.

mēskocipayiki kiya ka-mosihon ki-pisimwaspinēwin ispī cīstahikasowini ka-nakisk ēwako ohci, mōya kā-asēnaman cīstahowēwin. māka ana iskwēw kā-māmitonēyihtahk kā-pikiskwatat omaskihkīwiniwa osam askāw ka-nakimakan opisimwaspinēwin kotaki kīkway ohci

oki ē-isihkasotwaw Canadian Society of Obstetrics and Gynecology (SOGC), mīna National Advisory Committee on Immunization, mīna maskihkīwiyiniwak asici maskihkī-atoskēyakanak kā-nahicik Canada wīhtamohāwak iskwēwa kā-ohcisot ahpō kā-nohawasot kā-nīkānihitwaw ka-cīstahotwaw pikwīspihk kah-kispin namakīkway nakinikwak. kispin kīkway kakwēcihkēmowin ki-ayān ē-ohcisoyin ahpō ē-kakwē-ocawāsimisiyin ahpō kā-nohawasoyin pikiskwas maskihkī-atoskēyakan COVID-19 ohci maskihkīwi-cīstahowēwin. kispin kīkway kakwēcihkēmowin ki-ayān ē-ohcisoyin ahpō ē-kakwē-ocawāsimisiyin ahpō kā-nohawasoyin pikiskwas maskihkī-atoskēyakan COVID-19 ohci maskihkīwi-cīstahowēwin.

namakīkway nōkwan kispin maskihkīwi-cīstahowēwin COVID-19 mayi-macikēmakan ocawasimisiwinihk.

mōya mihcētokīkway ihtakon ēka awīyak kā-kī-cīstahikasot COVID-19.

namōya kā-ohtinamin cīstahikasowēwin kispin kiya:

1. mētoni kiwī-māyiskakon kīkway ē-astēk cīstahowēwinihk: ōma kā-astēk mRNA cīstahowēwinihk mētoni ka-māyiskakok (anaphylaxis) anima polyethylene glycol (PEG) isihkatēw, ōma ka-isihkatēk miskacikatēw cosmetics, skincare products, laxatives, atiht miciwinihk mīna minikwēwinihk asici kotakihk. kiskēyihta ōma: PEG ē-isihkatēk namōya astēw ita AstraZeneca cīstahowēwin ēkwa Johnson & Johnson cīstahowēwinihk. kā-kitinamik ita AstraZeneca mīna Johnson & Johnson cīstahowēwina mistahi kā-māyiskakohk Polysorbate 80 – isihkatēw ēwako ōma miskacikatēw (e.g., vitamin oils, tablets and anticancer agents and cosmetics).

2. ahpō kīkway kakī-māyāhpinatikon nistam kakī-ohtinamin COVID-19 ohci cīstahowēwin ahpō kīkway kā-kīkastēk.

pikiskwas maskihkī-atoskēyakanak kā-nahicik kispin ē-pākipayik kikohtākan (anaphylactic) kispin mōya kikiskēyihtēn tānēhki. namōya anihi mētoni kā-māyāhpinatikohk (anaphylaxis) cīstahowēwinihk mōya mwasi ispayinwa. Anaphylaxis kakī-nakinikatēw ēkwa kakī-natawihaw awīyak. ocīstahowēwak ōta Canada poko kiskinohamātwaw mīna ka-kiskēyihtakwaw tānisi ōma anaphylaxis kā-isi-natawihitatwaw sēmak. mōya mwasi katāc āhkosiwikamikohk ōma maskihkiy ē-miyikik kā-āhkosiskakot awīyak kīkway kā-itwēcik (allergist and Medical Health Officer).

namōya kakī-kīskwēpēwi-minihkwēyin ahpō kā-kīskwēpēyin pē-cīstahikasoyini. namōya ohci ēka kā-atoskēmakahk cīstahowēwin māka maskihkīwi-atoskēw kā-nitotamask masinahamin ki-tēpēyimowin pamwayēs kā-ohtinamin cīstahowēwin. kīskwēpēwiwāpoy ohci namōya mētoni ka-nisitohtēn miyomahcihowi-kiskēyihtamowin ahpō namōya kakī-kakwēcihkēmon kīkway.

namōya kiskēyihtakwan kispin kīskwēpēwiwāpoy nakimakan anima COVID-19 cīstahowēwi-maskihkiy ohci. ayisiyiniwak āyimihikotwaw minikwēwin (AUD) ohci ahpō nēstowatisiwak ahpō poko kā-pikiskwatat maskihkī-atoskēyakan. kēhcinahowin ōma apisis minihkwēwin namōya ka-nakimakan tānisi ōma isi atoskēmakahk cīstahowēwin.

kispin ki-āpacihtan cannabis, COVID-19 cīstahowēwin kakī-ohtinēn.

ki-tipahikan ohticipayiki poko ēka kā-kīskwē-āpasiwiyin. namōya ēwakō pihtwāwin marijuana ohci ēka kā-atoskēmakahk cīstahowēwin māka maskihkīwi-atoskēw kā-nitotamask kā-masinahamin ki-tēpēyimowin pamwāyēs kā-ohtinamin cīstahowēwin. pihtwāwin marijuana ohci namōya mētoni ka-nisitohtēn miyomahcihowi-kiskēyihtamowin ahpō namōya kakī-kakwēcihkēmon kīkway.

namōya kiskēyihtakwan kispin pihtwāwin marijuana nakimakan anima COVID-19 cīstahowēwi-maskihkiy ohci. ki-miskamwak pihtwāwin marijuana ohci ēka ē-miywāsik awīyak omiyo-yēhyēwin mīna omiyo-ayāwin. mācika poko kā-ohtinahk COVID-19 cīstahowēwin ēka kā-āhkosiskakot kispin pihtwāw.