ᑖᒃᑯᐊ ᑐᓴᐅᒪᔾᔪᑏᑦ ᐋᖅᑭᒃᓱᑕᐅᓚᐅᖅᑐᑦ ᑖᔅᓱᒧᖓ ᐃᑭᐊᖅᑭᕕᖕᒧᑦ ᑖᒃᑯᓇᙵᑦ ᐋᓐᓂᐊᖃᕐᓇᙱᑦᑐᓕᕆᔨᓪᓚᕆᖕᓂᒃ ᐊᒻᒪᓗ ᑭᒃᑯᓕᒫᑦ ᐋᓐᓂᐊᖃᕐᓇᙱᑐᓕᕆᓂᕐᒧᑦ ᖃᐅᔨᒪᔨᑕᕐᓂᒃ ᐊᑐᖅᖢᑎᒃ ᑲᓇᑕᐅᑉ ᒐᕙᒪᖏᓐᓂᒃ ᐊᒻᒪᓗ ᐊᓯᖏᓐᓂᒃ ᑭᒡᓕᓯᓂᐊᖅᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᖔᖅᑐᓂᒃ. ᑐᑭᒋᙱᑖ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᖃᐅᔾᔨᒋᐊᕈᑎᐅᓗᓂ. ᕿᓂᖃᑦᑕᕐᓗᓯ ᐊᔪᙱᔾᔪᑎᓕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑎᓂᒃ ᐊᐱᖅᑯᑎᒃᓴᖃᕌᖓᔅᓯ ᓄᕙᒡᔪᐊᕐᓇᖅ-19-ᒧᑦ ᑲᐴᑎᐅᑉ ᒥᒃᓵᓄᑦ.
ᑲᐴᑎ ᐋᓐᓂᐊᕇᒃᑯᑎ ᓄᕙᒡᔪᐊᕐᓇᖅ-19-ᒧᑦ ᐋᓐᓂᐊᕐᓇᒧᑦ ᐃᑲᔪᕐᓂᐊᖅᑐᑦ ᓴᐳᔾᔨᓯᒪᓗᓂ ᐃᓕᖕᓂᒃ ᐋᓐᓂᐊᓕᖁᓇᒃ ᐅᕝᕙᓘᓐᓃᑦ ᑐᖁᖁᓇᒃ ᓄᕙᒡᔪᐊᕐᓇᖅ-19-ᒧᑦ. ᐊᒻᒪᓗᑦᑕᐅᖅ, ᓄᖅᑲᖅᑎᑦᑎᔪᓐᓇᖅᖢᓂ ᓯᐊᒻᒪᒃᐸᓪᓕᐊᓂᖓ ᓄᕙᒡᔪᐊᕐᓇᖅ-19 ᑲᓇᑕᒥᑦ, ᓈᒻᒪᒃᓯᓯᒪᔪᑦ ᓇᐃᓴᐅᑏᑦ ᑲᓇᑕᒥᐅᑉ ᑲᐱᔭᐅᓯᒪᔭᕆᐊᓖᑦ ᓄᖅᑲᖁᓪᓗᒍ ᓄᓇᓕᖕᓄᑦ ᓯᐊᒻᒪᒃᐸᓪᓕᐊᓂᖓ ᖃᓂᒪᓇᐅᑉ.
ᐃᒪᐃᒃᑲᓗᐊᕐᓂᕈᓂ ᐃᓄᒃ ᑐᖁᙱᓪᓗᓂ ᓄᕙᒡᔪᐊᕐᓇᖅ-19-ᒧᑦ, ᐊᑯᓂᐅᔪᒃᑯᑦ ᐊᔪᕐᓇᖅᑐᖅᓯᐅᕈᑎᖃᕈᓐᓇᖅᑐᑦ ᓲᕐᓗ ᐃᖅᑲᐅᒪᔪᓐᓇᐃᓪᓕᓗᓂ, ᑕᖃᓗᐊᖃᑦᑕᓕᕐᓗᓂ, ᐅᓂᒃᑳᖅᑕᐅᔪᓐᓇᙱᑦᑐᑦ ᐊᓂᖅᑎᕆᓂᕐᒧᑦ ᐊᒃᓱᕉᑏᑦ, ᐊᒻᒪᓗ ᓱᕋᒃᑕᐅᓗᑎᒃ ᐳᕙᖏᑦ ᐊᒻᒪᓗ ᐆᒻᒪᑖ.
ᐃᓄᒋᐊᑦ ᐋᓐᓂᐊᕇᒃᑯᑎᖃᕈᑎᒃ, ᖃᓂᒪᓇᖅ ᓯᐊᒻᒪᙱᓐᓂᖅᓴᐅᔪᓐᓇᖅᑐᖅ. ᑲᐱᔭᐅᓯᒪᔭᕆᐊᓖᑦ 75% ᐃᓄᐃᑦ ᑎᑭᑦᑐᓐᓇᖁᓪᓗᒍ ᑲᑎᙵᔪᑦ ᐋᓐᓂᐊᕇᒃᑯᑎᓖᑦ ᐊᒻᒪᓗ ᐅᑎᕈᓐᓇᖅᓯᓗᑕ ᖃᐅᑕᒫᖅᓯᐅᑎᑦᑎᓐᓄᑦ ᐃᓅᓯᕐᒧᑦ, ᐅᒃᑯᐃᓕᖅᑭᒡᓗᑎᒃ ᓇᖕᒥᓂᖁᑎᒋᔭᐅᔪᑦ, ᐃᕿᑦᑐᓐᓇᖅᓯᓗᑕ ᑕᑯᔪᓐᓇᖅᓯᒃᑲᓐᓂᕐᓗᑎᒍᓪᓗ ᓇᒡᓕᒋᔭᕗᑦ.
ᐋᒃᑲ, ᐊᑕᖏᖅᖢᒋᑦ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᔾᔪᑏᑦ ᐊᑭᖃᙱᑦᑐᑦ.
ᔫᓂ−ᕿᓂᕈᔪᐊᓂᑦ, ᑲᓇᑕᒥᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᐊᓛᖏᑦ ᑲᐱᔭᐅᖃᑦᑕᕐᓂᕐᒧᑦ (NACI) ᓄᑖᙳᕆᐊᕆᓚᐅᖅᑐᑦ ᐊᑐᓕᖅᑕᐅᖁᔭᖏᓐᓂᒃ ᑕᒪᒃᑯᓄᖓ ᐊᓯᔾᔨᖅᑕᖅᑐᓄᑦ ᓄᕙᒡᔪᐊᕐᓇᖅ-19 ᑲᐴᑏᑦ ᑭᖑᓪᓕᕐᒧᑦ ᑲᐱᔭᐅᓂᕐᒧᑦ. ᑖᓐᓇ mRNA ᑲᐴᑎ ᐱᐅᓯᒋᔭᓂᖅᓴᐅᔪᖅ ᑭᖑᓪᓕᐅᓗᓂ ᑭᐱᔭᐅᓂᕐᒧᑦ ᐃᓄᖕᓄᑦ ᓯᕗᓪᓕᕐᒧᑦ ᑲᐱᔭᐅᖅᑳᖅᓯᒪᔪᓄᑦ ᐋᔅᑐᕋᔾᔨᓂᑲᒧᑦ (AstraZeneca), ᐱᔾᔪᑎᖃᖅᖢᑎᒃ ᓴᖅᑭᑉᐸᓪᓕᐊᔪᓂᒃ ᖃᐅᔨᔭᐅᔪᓂᒃ ᐱᐅᓂᖅᓴᐅᑐᐃᓐᓇᕆᐊᖃᕐᓂᖓᓄᑦ ᐊᓐᓇᐅᒪᔫᑎᑐᑦ ᖃᓄᐃᓕᐅᕈᓐᓇᕐᓂᖅᓴᐅᓂᐊᖅᑐᑦ ᑲᑎᖅᓱᖅᑕᐅᓗᑎᒃ ᑲᐱᔭᐅᓂᖏᑦ ᖃᖓᒃᑰᓚᐅᕐᓂᖏᓐᓄᑦ.
ᑲᐱᔭᐅᓚᐅᕈᕕᑦ mRNA ᑲᐴᑎᒧᑦ (ᕙᐃᓱ-ᐸᐃᐋᓐᑕᒃ [Pfizer-BioNTech] ᐅᕝᕙᓘᓐᓃᑦ ᒪᑑᓇ [Moderna]) ᓯᕗᓪᓕᐅᓪᓗᓂ ᑲᐱᔭᐅᔾᔪᑎᒋᓗᒍ, ᐊᐱᕆᔭᐅᓂᐊᖅᑐᑦ mRNA ᑲᐴᑎᒧᑦ ᑭᖑᓪᓕᕐᒥᑦ ᑲᐱᔭᐅᓛᕈᒪᖕᒪᖔᖅᐱᑦ. ᐱᐅᒋᔭᐅᓂᖅᓴᐅᔪᖅ ᑲᐱᔭᐅᒍᕕᑦ ᑖᒃᑯᓄᖓᑦᑕᐃᓐᓇᖅ ᑯᐴᑎᓄᑦ ᓯᕗᓪᓕᕐᒥᑦ ᑲᐱᔭᐅᔾᔪᑎᒋᓚᐅᖅᑕᕐᓄᑦ, ᑭᓯᐊᓂ ᐊᑐᐃᓐᓇᐅᑲᐅᑎᒋᙱᒃᑯᑎᒃ ᐅᕝᕙᓪᓘᓐᓃᑦ ᖃᐅᔨᒪᔭᐅᙱᒃᑯᓂ, ᑕᐃᒪᐃᓐᓂᕈᓂ ᖃᓄᐃᙱᑦᑐᖅ ᑲᐱᔭᐅᔭᕆᐊᒃᓴᖅ ᐊᔾᔨᒌᙱᑦᑐᓄᑦ mRNA ᑲᐴᑎᓄᑦ. ᑕᒪᕐᒥᒃ ᐊᔾᔨᒌᒃᑐᒥᒃ ᐊᑦᑕᕐᓇᙱᑦᑐᑦ ᐊᒻᒪᓗ ᐊᑑᑎᖃᖅᑐᐃᓐᓇᐃᑦ.
ᑲᐱᔭᐅᓐᓂᕈᕕᑦ ᐋᔅᑐᕋᔾᔨᓂᑲᒧᑦ (AstraZeneca) ᓯᕗᓪᓕᕐᒥᑦ ᑲᐱᔭᐅᑎᓪᓗᒋᑦ, ᓂᕈᐊᕈᓐᓇᖅᑐᑎᑦ ᐋᔅᑐᕋᔾᔨᓂᑲ (AstraZeneca) ᑭᖑᓪᓕᕐᒧᑦ ᑲᐱᔭᐅᔾᔪᑎᒋᓗᒍ, ᑭᓯᐊᓂ ᑲᓇᑕᒥᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᐊᓛᖏᑦ ᑲᐱᔭᐅᖃᑦᑕᕐᓂᕐᒧᑦ (NACI) ᒪᓐᓇ ᐊᑐᖔᖁᔨᔪᑦ ᑲᐱᔭᐅᓗᑎᒃ mRNA ᑲᐴᑎᒧᑦ ᑭᖑᓪᓕᕐᒥᑦ ᑲᐱᔭᐅᒃᑲᓐᓂᓕᕈᕕᑦ.
ᐊᑕᖏᖅᖢᒋᑦ ᑲᐴᑏᑦ ᐊᖏᖅᑕᐅᓯᒪᔪᑦ ᐊᑐᖅᑕᐅᔪᓐᓇᖅᖢᑎᒃ ᑲᓴᑕᒥᑦ ᐊᔾᔨᒌᒥᑦ ᐊᒻᒪᓗ ᐊᑑᑎᖃᑦᑎᐊᖅᑐᑦ ᐋᓐᓂᐊᕐᕕᓕᐊᙱᓐᓂᖅᓴᐅᓂᕐᒧᑦ ᐋᓐᓂᐊᓗᐊᖅᑎᑦᑎᙱᖢᑎᒡᓗ, ᐊᒻᒪᓗ ᐊᑕᖏᖢᒃᑖᐸᓗᒃᖢᑎᒃ 100%-ᒥᒃ ᐊᑑᑎᖃᖅᑐᑦ ᓄᕙᒡᔪᐊᕐᓇᖅ-19-ᒥᑦ ᐃᓅᔪᓐᓃᖅᑎᑦᑎᑦᑕᐃᓕᒪᓂᕐᒧᑦ.
ᐱᒻᒪᕆᐅᔪᖅ ᖃᐅᔨᔭᐅᓗᓂ ᐅᑕᖅᑭᓪᓗᐊᙱᑦᑐᑎᑦ ᑲᐱᔭᐅᓂᕐᒧᑦ ᒪᕐᕉᖕᓄᑦ ᐊᑕᖏᖅᑐᒥᒃ ᓴᐳᔾᔭᐅᓯᒪᖁᓪᓗᑎᑦ. ᓄᑖᑦ ᖃᓂᒪᓇᕐᒧᑦ ᐊᔾᔨᒋᙱᐊᕐᔪᒃᑕᖏᑦ ᓴᖅᑭᑉᐸᓪᓕᐊᖕᒪᑕ ᐅᓄᖅᓯᕙᓪᓕᐊᓪᓗᑎᒃ, ᐋᓐᓂᐊᕐᕕᖕᒦᓕᖃᑦᑕᕐᓃᑦ ᐊᒻᒪᓗ ᑐᖁᖃᑦᑕᕐᓃᑦ, ᐃᓄᒋᐊᑦ ᑲᐱᔭᐅᓂᖏᑦ ᓄᖅᑲᖅᑎᑦᑎᔪᓐᓇᖅᑐᑦ ᑕᒪᑐᒥᖓ.
ᐋᓐᓂᐊᖃᖅᑕᐃᓕᒪᑎᑦᑎᔩᑦ ᑲᓇᑕᒦᒃᑯᑦ ᐅᖃᖅᓯᒪᔪᑦ, ᐊᒻᒪᓗ ᑐᙵᕕᖃᖅᖢᑎᒃ ᐋᓐᓂᐊᕐᕕᖕᒥᑦ ᖃᐅᔨᓴᖅᑕᐅᔾᔪᑎᖏᑦ 10 ᑕᐅᓴᖏᓐᓃᑦᑐᑦ ᑲᐱᔭᐅᓯᒪᔪᑦ ᐃᒪᐃᒻᒪᑕ:
ᕙᐃᓱ-ᐸᐃᐋᓐᑕᒃ (Pfizer-BioNTech) 95%-ᒥᒃ ᐊᑑᑎᖃᖅᑐᑦ ᒪᕐᕈᐊᖅᑎᖅ ᑲᐱᔭᐅᓚᐅᖅᑎᓪᓗᑎᑦ
ᐱᕝᕕᐅᔪᑦ: https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/pfizer-biontech.html
ᒪᑑᓇ (Moderna) 94%-ᒥᒃ ᐊᑑᑎᖃᖅᑐᑦ ᒪᕐᕈᐊᖅᑎᖅ ᑲᐱᔭᐅᓚᐅᖅᑎᓪᓗᑎᑦ
ᐋᔅᑐᕋᔾᔨᓂᑲ (AstraZeneca) 62%-ᒥᒃ ᐊᑑᑎᖃᖅᑐᑦ ᒪᕐᕈᐊᖅᑎᖅ ᑲᐱᔭᐅᓚᐅᖅᑎᓪᓗᑎᑦ (79% ᐅᐊᖕᓇᖓᓂᑦ/ᓂᒋᐊᓂᑦ ᐊᒥᐊᓕᒃᑲᑦ ᖃᐅᔨᓴᕈᑏᑦ)
ᒫᓐᓇ ᓄᓇᕐᔪᐊᒥᑦ ᑎᑎᖅᑲᖁᑏᑦ ᓴᖅᑭᔮᖅᑎᑦᑎᔪᑦ ᑖᒃᑯᐊ ᐋᔅᑐᕋᔾᔨᓂᑲ (AstraZeneca) 80-90%-ᒥᒃ ᐊᑑᑎᖃᖅᑐᑦ ᐋᓐᓂᐊᕐᕕᖕᒧᑦ ᐅᓂᒃᑕᐃᓕᔾᔪᑎᓄᑦ.
ᐱᕝᕕᐅᔪᑦ: https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/astrazeneca.html
ᔮᓐᓴᓐ ᐊᒻᒪᓗ ᔮᓐᓴᓐ (Johnson & Johnson) 66%-ᒥᒃ ᐊᑑᑎᖃᖅᑐᑦ ᐊᑕᐅᓯᐊᖅ ᑲᐱᔭᐅᓚᐅᖅᑎᓪᓗᑎᑦ ᐊᒻᒪᓗ ᒫᓐᓇ ᑎᑎᖅᑲᖁᑏᑦ ᓴᖅᑭᔮᖅᑎᑦᑎᓪᓗᑎᒃ ᐅᖓᑖᓄᑦ 90%-ᒥᒃ ᐊᑑᑎᖃᖅᑐᑦ ᐊᓐᓂᐊᓕᕐᔪᐊᖅᑕᐃᓕᑎᑦᑎᓂᕐᒧᑦ ᐊᒻᒪᓗ ᐋᓐᓂᐊᕐᕕᖕᒧᑦ ᐅᓂᒃᑕᐃᓕᔾᔪᑎᓄᑦ.
ᐱᕝᕕᐅᔪᑦ: https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/janssen.html
ᐊᑕᖏᖅᖢᑎᒃ ᑎᓴᒪᑦ ᑲᐴᑏᑦ ᐊᑑᑎᖃᕐᔪᐊᖅᑐᑦ ᐋᓐᓂᐊᓗᐊᖅᑕᐃᓕᑎᑦᑎᓂᕐᒧᑦ ᓄᕙᒡᔪᐊᕐᓇᖅ-19-ᒧᑦ, ᐋᓐᓂᐊᕐᕕᖕᒧᑦ ᐅᓂᒃᑕᐃᓕᔾᔪᑎᓄᑦ ᐊᒻᒪᓗ ᑐᖁᙱᓐᓂᖅᓴᐅᓪᓗᑎᒃ.
ᐊᔾᔨᒌᙱᑦᑐᑦ ᑖᒃᑯᓇᓂ ᑲᐴᑎᓂᑦ ᐊᒻᒪᓗ ᐊᔾᔨᒋᖏᐊᕐᔪᖃᑦᑕᖅᑐᓂᑦ ᑲᓂᒪᔾᔪᑕᐅᔪᓂᑦ.
ᐊᑐᓂ ᓄᕙᒡᔪᐊᕐᓇᖅ-19-ᒧᑦ ᑲᐴᑎ ᐋᓐᓂᐊᓪᓚᑲᐅᔭᖅᑎᑦᑎᙱᔾᔪᑕᐅᔪᖅ/ᑐᖁᖃᑦᑕᙱᓐᓂᖅᓴᐅᔾᔪᑕᐅᔪᖅ ᓇᓕᐊᖕᓂᑐᐃᓐᓇᖅ ᐊᔾᔨᒋᖏᐊᕐᔪᖃᑦᑕᖅᑐᓂᑦ ᑲᓂᒪᔾᔪᑕᐅᔪᓂᑦ ᐱᑕᖃᖅᑐᓂᑦ ᑲᓇᑕᒥᑦ.
ᑲᐱᔭᐅᓯᒪᒐᓗᐊᖅᑎᓪᓗᒋᑦ ᓴᖅᑭᔮᖅᑎᑦᑎᔪᑦ ᐊᒃᐸᓯᖕᓂᖅᓴᐅᔪᓂᒃ ᐊᑑᑎᑎᖃᕐᓂᖏᓐᓂᒃ ᐃᓚᖏᓐᓄᑦ ᖃᓂᒪᔾᔪᑕᐅᔪᓄᑦ, ᓴᓇᖃᑦᑕᖅᑐᑦ ᓴᓇᕙᓪᓕᐊᔪᑦ ᓄᑖᓂᒃ ᑲᐴᑎᓂᒃ ᐊᑑᑎᖃᑦᑎᐊᕐᓂᖅᓴᐅᖁᓪᓗᒋᑦ ᑖᒃᑯᓄᖓ ᓄᑖᓄᑦ ᐊᔾᔨᒋᖏᐊᕐᔪᖃᑦᑕᖅᑐᓂᑦ ᑲᓂᒪᔾᔪᑕᐅᔪᓄᑦ, ᐃᒪᐃᖁᓪᓗᒋᑦ ᑲᐱᔭᐅᒃᑲᓐᓂᕈᓐᓇᕐᓗᓯ ᐊᑑᑎᒃᓴᒃᑲᓐᓂᖓᓂᒃ ᓯᕗᓂᒃᓴᒥ ᐊᑑᑎᖃᕐᓂᐊᖅᑐᑦ ᑕᖅᑭᕐᓂᒃ ᐊᒻᒪᓗ ᐊᕐᕌᒍᓂᑦ ᖃᐅᔪᓂᑦ.
ᑖᒃᑯᓄᖓ ᕙᐃᓱ (Phizer) ᐸᐃᐋᓐᑕᒃ (BioNTech), ᒪᑑᓇ (Moderna) ᐊᒻᒪᓗ ᐋᔅᑐᕋᔾᔨᓂᑲ (AstraZeneca), ᒪᕐᕉᖕᓂᒃ ᑲᐱᔭᐅᔭᕆᐊᓖᑦ ᓲᖃᐃᒻᒪ ᓯᕗᓪᓕᖅ “ᐱᕙᓪᓕᐊᑎᑦᑎᔾᔪᑎ” ᑎᒥᕕᑦ ᐊᓐᓇᐅᒪᔾᔪᑎᒃᓴᖏᓐᓄᑦ: ᑎᒦᑦ ᐃᓕᑦᑎᖃᑦᑕᖅᑐᑦ ᓴᓇᓗᓂ ᐊᓐᓇᐅᒪᔾᔪᑎᓂᒃ ᐅᓇᑕᕐᓂᐊᖅᑐᓂᒃ ᓄᕙᒡᔪᐊᕐᓇᖅ-19-ᒥᒃ. ᑭᖑᓪᓕᖅ ᑲᐱᔭᐅᔾᔪᑏᑦ “ᐅᓄᖅᓯᒋᐊᕆᓲᖅ” ᓴᙱᓂᖅᓴᐅᖁᓪᓗᒋᑦ ᐊᒻᒪᓗ ᐊᑯᓂᐅᓂᖅᓴᒥᒃ ᐊᓐᓇᐅᔭᔾᔪᑎᖃᖁᓪᓗᑎᑦ. ᑕᒪᕐᒦᒃ ᑲᐱᔭᐅᔾᔪᑎᑎᑦ ᐊᑐᕆᐊᓖᒃ ᐊᑕᖏᖅᓯᒪᔪᒥᒃ ᐊᓐᓇᐅᒪᔾᔪᑎᖃᕈᓐᓇᖁᓪᓗᑎᑦ.
ᑖᓐᓇ ᔮᓐᓴᓐ ᐊᒻᒪᓗ ᔮᓐᓴᓐ-ᑯᑦ (Johnson & Johnson) ᑲᐴᑎᖓᑦ ᖃᐅᔨᓴᖅᑕᐅᓯᒪᔪᖅ ᐊᒻᒪᓗ ᖃᐅᔨᔭᐅᓯᒪᓪᓗᑎᒃ ᓴᐳᔾᔨᓯᒪᓂᖓᓂᒃ ᐃᓄᖕᓂᒃ ᐊᒻᒪᓗ ᐊᓐᓇᐅᒪᔾᔪᑎᖃᓕᖅᑎᑦᑎᓲᖅ ᐊᑕᐅᓯᐊᖅ ᑲᐱᔭᐅᒐᓗᐊᖅᑎᓪᓗᑎᑦ.
ᕙᐃᓱ-ᐸᐃᐋᓐᑕᒃ (Pfizer-BioNTech) ᐊᒻᒪᓗ ᒪᑑᓇ (Moderna): mRNA ᑲᐴᑏᑦ
ᒥᑭᑦᑐᒥᒃ ᐱᑕᖃᖅᑐᑦ mRNA-ᒥᒃ ᐃᒪᐃᓕᐅᖁᓪᓗᒍ ᓄᕙᒡᔪᐊᕐᓇᖅ-19-ᒧᑦ ᓄᑭᒃᓴᐅᑏᑦ ᑎᒥᖕᓄᐊᕐᓗᑎᒃ ᐃᓕᓐᓂᐊᖅᑎᑦᑎᓗᑎᒃ ᑎᒥᖕᓂᒃ ᐊᓐᓇᐅᒪᔾᔪᑎᓕᐅᕐᓗᑎᒃ ᑖᔅᓱᒧᖓ ᓄᕙᒡᔪᐊᕐᓇᖅ-19-ᒥᒃ ᖃᓂᒪᓂᐅᔪᒥᒃ ᐅᓇᑕᕐᓂᐊᖅᑐᓂᒃ. ᐊᓱᐃᓛᒃ mRNA ᓱᕋᒃᑎᖅᑕᐅᓪᓗᑎᒃ ᐃᑲᕐᕋᐃᓐᓇᕐᓂᒃ, ᐃᓕᑕᐅᓪᓗᓂᓗ ᑕᒪᓐᓇ ᐊᑐᖅᑕᐅᔭᕆᐊᓕᒃ.
ᐋᔅᑐᕋᔾᔨᓂᑲ (AstraZeneca) ᐊᒻᒪᓗ ᔮᓐᓴᓐ ᐊᒻᒪᓗ ᔮᓐᓴᓐ (Johnson & Johnson): ᐊᔾᔨᖏᓐᓂᒃ ᐃᓗᓕᓖᑦ ᑲᐴᑏᑦ.
ᑖᒃᑯᐊ ᑲᐴᑏᑦ ᐊᑦᑕᕐᓇᙱᑦᑐᒥᒃ ᐋᓐᓂᐊᓖᑦ (ᓲᕐᓗ ᓄᕙᒍᑕᐅᒐᔪᒃᑐᒥᒃ) ᓴᙲᒡᓕᒋᐊᖅᑕᐅᓯᒪᔪᑦ ᐊᒻᒪᓗ ᐋᖅᑭᒋᐊᖅᑕᐅᓯᒪᓪᓗᑎᒃ ᐃᓚᖄᕐᔪᒃᖢᑎᒃ ᓄᕙᒡᔪᐊᕐᓇᖅ-19-ᒧᑦ ᖃᓂᒪᔾᔪᑕᐅᔪᒥᒃ ᓄᑭᒃᓴᐅᑎᓕᒃ. ᑕᒪᐃᓕᕙᓪᓕᐊᖃᑦᑕᖅᑐᑦ ᑖᒃᑯᐊᑎᑐᑦ ᐃᒪᐃᓐᓂᖓᔪᓄᑦ mRNA ᑲᐴᑏᑦ ᖁᓛᓃᑦᑐᑎᑐᑦ, ᑎᒦᑦ ᐊᓐᓇᐅᒪᔾᔪᑎᓕᐅᖅᑎᖢᓂᐅᒃ ᐱᕙᓪᓕᐊᓕᖁᓪᓗᒋᑦ ᐊᓯᖏᑦ ᐊᓐᓇᐅᒪᓂᕐᒧᑦ ᐋᖅᑭᒃᐸᓪᓕᐊᕙᒃᑐᑦ ᑎᒥᖕᓂᑦ.
ᐱᓕᕆᖃᑎᖃᖅᐸᙱᓚᖅ ᐊᓯᔾᔨᖅᓯᕙᒐᑎᒡᓘᓐᓃᑦ ᓇᖕᒥᓂᖅ ᑭᓇᐅᔾᔪᑎᖕᓂᒃ!
ᓇᓕᐊᑐᐃᓐᓇᖅ ᐃᓚᖃᙱᑦᑐᑦ ᐆᒪᔪᒥᒃ ᓄᕙᒡᔪᐊᕐᓇᖅ-19-ᒧᑦ ᐋᓐᓂᐊᓂᒃ.
ᐊᑕᖏᖅᖢᑎᒃ ᐊᔾᔨᒌᐸᓗᖕᒥᒃ ᖃᓄᐃᓯᓐᓇᖅᑐᑦ: ᐋᓐᓂᐊᕐᓗᑎᒃ ᑲᐱᔭᐅᕝᕕᖓᒍᑦ, ᑕᖃᓯᒪᓗᑎᒃ, ᐆᑎᕐᓇᕐᓗᑎᒃ ᐅᕝᕙᓘᓐᓃᑦ ᖃᓂᒪᔪᑎᑐᑦ ᐱᐅᓯᖃᕐᓗᑎᒃ, ᓂᐊᖁᙳᓗᑎᒃ, ᓂᕿᖏᑦ ᐋᓐᓂᐊᕐᓗᑎᒃ/ᓇᒡᒍᐊᖏᑦ ᐋᓐᓂᐊᕐᓗᑎᒃ.
ᐋᓐᓂᐊᖃᒃᓇᙱᑦᑐᓕᕆᔨᒃᑯᑦ ᑲᓇᑕᒥ ᐊᖏᖅᓯᓯᒪᓕᖅᑐᑦ ᕙᐃᓱ-ᐸᐃᐋᓐᑕᒃ (Pfizer-BioNTech), ᒪᑑᓇ (Moderna), ᐋᔅᑐᕋᔾᔨᓂᑲ (AstraZeneca) ᐊᒻᒪᓗ ᔭᓐᓴᓐ (ᔮᓐᓴᓐ ᐊᒻᒪᓗ ᔮᓐᓴᓐ [Johnson & Johnson]) ᓄᕙᒡᔪᐊᕐᓇᖅ-19-ᒧᑦ ᑲᐴᑏᑦ ᐊᑐᖅᑕᐅᔪᓐᓇᖅᑐᑦ ᑲᓇᑕᒥᑦ.
ᐋᒃᑲ. ᓇᓕᐊᖕᓂᑐᐃᓐᓇᖅ ᑲᐱᔭᐅᓃᑦ, ᐃᓚᐅᓪᓗᑎᒃ ᓄᕙᒡᔪᐊᕐᓇᖅ-19ᒧᑦ ᑲᐴᑏᑦ, ᐊᒃᑐᐃᓂᖃᙱᑦᑐᑦ ᖃᐅᔨᔭᐅᔾᔪᑎᖏᓐᓂᒃ ᓄᕙᒡᔪᐊᕐᓇᖅ-19-ᒧᑦ ᖃᐅᔨᓴᕈᑎᓂᒃ ᓲᖃᐃᒻᒪ ᐆᒪᔫᖃᙱᒻᒪᑕ ᑲᐴᑏᑦ.