ᑖᒃᑯᐊ ᑐᓴᐅᒪᔾᔪᑏᑦ ᐋᖅᑭᒃᓱᑕᐅᓚᐅᖅᑐᑦ ᑖᔅᓱᒧᖓ ᐃᑭᐊᖅᑭᕕᖕᒧᑦ ᑖᒃᑯᓇᙵᑦ ᐋᓐᓂᐊᖃᕐᓇᙱᑦᑐᓕᕆᔨᓪᓚᕆᖕᓂᒃ ᐊᒻᒪᓗ ᑭᒃᑯᓕᒫᑦ ᐋᓐᓂᐊᖃᕐᓇᙱᑐᓕᕆᓂᕐᒧᑦ ᖃᐅᔨᒪᔨᑕᕐᓂᒃ ᐊᑐᖅᖢᑎᒃ ᑲᓇᑕᐅᑉ ᒐᕙᒪᖏᓐᓂᒃ ᐊᒻᒪᓗ ᐊᓯᖏᓐᓂᒃ ᑭᒡᓕᓯᓂᐊᖅᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᖔᖅᑐᓂᒃ. ᑐᑭᒋᙱᑖ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᖃᐅᔾᔨᒋᐊᕈᑎᐅᓗᓂ. ᕿᓂᖃᑦᑕᕐᓗᓯ ᐊᔪᙱᔾᔪᑎᓕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑎᓂᒃ ᐊᐱᖅᑯᑎᒃᓴᖃᕌᖓᔅᓯ ᓄᕙᒡᔪᐊᕐᓇᖅ-19-ᒧᑦ ᑲᐴᑎᐅᑉ ᒥᒃᓵᓄᑦ.
ᐃᓱᒪᒍᕕᑦ ᐊᔪᙱᑎᑕᐅᔪᓐᓇᕐᒪᖔᑦ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᓂᕐᒧᑦ ᓄᓇᖕᓂᑦ, ᐅᕝᕙᓘᓐᓃᑦ ᐃᓂᒃᓴᓕᐅᕈᒪᒍᕕᑦ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᓂᕐᒧᑦ, ᓇᕿᓪᓗᒍ ᖃᕆᑕᐅᔭᒃᑯᑦ ᑕᑯᔪᓐᓇᐅᑏᑦ ᐊᑖᓃᑦᑐᑦ ᓇᓂᓯᖁᓪᓗᑎᑦ ᐅᓪᓗᒥᒨᖓᓛᓂᒃ ᑐᓴᐅᒪᔾᔪᑎᓂᒃ ᐊᒻᒪᓗ ᐃᓂᒃᓴᓕᐅᕐᓂᕐᒧᑦ ᐊᑐᕈᓐᓇᖅᑕᑎᑦ ᓄᓇᖕᓂᑦ.
ᐱᕆᑎᔅ ᑲᓚᒻᐱᐊ
ᐃᐅᓪᐴᑕ
ᓴᔅᑳᑦᑐᐊᓐ
ᒫᓂᑑᐸ
ᐋᓐᓂᑎᕆᐆ
ᑯᐸᐃᒃ
ᓂᐅ ᐳᕌᓐᓯᕗᐃᒃ
ᓅᕙ ᔅᑰᓴ
ᓂᐅᕗᓐᓛᓐ ᐊᒻᒪᓗ ᓛᐸᑐᐊ
ᐳᕆᓐᓯ ᐃᐊᑦᕗᑦ ᐊᐃᓚᓐ
ᓄᓇᑦᓯᐊᖅ
ᓄᓇᕗᑦ
ᔫᑳᓐ
ᑖᓐᓇ ᓄᕙᒡᔪᐊᕐᓇᖅ-19-ᒧᑦ ᑲᐴᑎ ᐊᖏᖅᑕᐅᓯᒪᔪᑦ ᐊᑐᖅᑕᐅᔪᓐᓇᖅᖢᓂ ᑲᓇᑕᒥᑦ ᐊᒻᒪᓗ ᐃᓗᓕᖃᙱᑦᑐᖅ ᒪᓐᓂᒃ, ᓇᔭᐅᔮᖅᑐᑦ, ᑰᑯᓯ, ᐃᒻᒧᒃᓲᒐᖅ, ᓯᖓᐃᒥᖔᖅᑐᑦ, ᓴᕕᕋᔭᒃ ᐃᒥᖅ, ᑕᖅᓴᖃᙱᑦᑐ ᑎᐱᖃᙱᑦᑐ ᐅᖅᓱᐊᓗᒃᓴᖅ, ᐅᓘᒥᓇᒻ, ᓴᓗᒻᒪᖅᓴᐅᑎ, ᑕᓯᔭᖅᑐᑦ, ᐊᒻᒪᓗ ᐃᓗᓕᖃᙱᑦᑐᑦ ᐄᔭᐅᔭᕆᐊᖃᙱᑦᑐᓂᒃ ᐅᕝᕙᓘᓐᓃᑦ ᐅᒃᐱᕐᓂᒃᑯᑦ ᐱᔾᔪᑕᐅᓇᔭᖅᑐᓂᒃ.
ᐊᑕᖏᓗᒃᑖᖅᓯᒪᔪᑦ ᑎᑎᕋᖅᓯᒪᔪᑦ ᐃᓗᓕᖏᑦ ᐊᑐᓂ ᑲᐴᑎᒧᑦ ᓇᓂᔭᐅᔪᓐᓇᖅᑐᑦ ᐅᕙᓂ:
ᕙᐃᓱ-ᐸᐃᐋᓐᑕᒃ (Pfizer-BioNTech): https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/pfizer-biontech.html
ᒪᑑᓇ (Moderna): https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/moderna.html
ᐋᔅᑐᕋᔾᔨᓂᑲ (AstraZeneca): https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/astrazeneca.html
ᔮᓐᓴᓐ ᐊᒻᒪᓗ ᔮᓐᓴᓐ (Johnson & Johnson): https://www.canada.ca/en/health-canada/services/drugs-health-products/covid19-industry/drugs-vaccines-treatments/vaccines/janssen.html
ᒪᓕᒃᑕᐅᔭᕆᐊᓖᑦ ᐊᑐᖅᑕᐅᔪᐃᓐᓈᓘᓲᑦ, ᐊᒻᒪᓗ ᐊᑕᖏᖅᖢᑎᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᕙᒃᑐᑦ ᒪᓕᒃᑕᐅᑦᑎᐊᖅᐸᒃᑐᑦ. ᑲᐴᑏᑦ ᐋᖅᑭᒃᓱᖅᑕᐅᑲᐅᖅᑐᓚᐅᖅᓯᒪᔪᑦ ᓲᖃᐃᒻᒪ ᐱᓕᕆᔾᔪᑏᑦ ᐱᐅᓂᖅᓴᐅᓕᕐᓂᖏᓐᓄᑦ ᐊᒻᒪᓗ ᓲᖃᐃᒻᒪ ᐋᓐᓂᐊᕐᕕᖕᒥᖔᖅᑐᑦ ᐃᓚᖏᑦ ᓈᒻᒪᒋᔭᐅᓯᒪᔪᑦ (ᑲᑎᒪᔨᓂᑦ ᑲᔪᓂᓯᐅᒃᑐᑦ ᐊᒻᒪᓗ ᓈᒻᒪᒋᔭᐅᓂᖏᓐᓄᑦ-ᓇᕿᑕᐅᔭᕆᐊᓖᑦ) ᓱᒃᑲᓕᑎᑕᐅᓚᐅᖅᑐᑦ.
ᐋᒃᑲ. ᓄᒃᑭᒃᓴᐅᑎ ᐊᑐᖅᑕᐅᕙᒃᑐᑦ ᑲᐴᑎᓂᑦ ᐱᓕᕆᖃᑎᖃᖅᐸᙱᓚᖅ ᐊᓯᔾᔨᖅᓯᕙᒐᑎᒡᓘᓐᓃᑦ ᓇᖕᒥᓂᖅ ᑭᓇᐅᔾᔪᑎᖕᓂᒃ. ᓱᕋᒃᑎᑦᑕᐅᕙᓪᓕᐊᑐᐃᓐᓇᓲᖅ ᐃᑲᕐᕋᒐᓴᖕᓂᒃ ᑲᐱᔭᐅᕌᓂᒃᑳᖓᑯᑦ, ᕿᒪᐃᑐᐃᓐᓇᖅᖢᓂ ᒪᓕᒃᑕᐅᔪᓐᓇᖅᑐᓂᒃ ᐊᓐᓇᐅᒪᔾᔪᑎᓗᐅᕐᓂᕐᒧᑦ ᐊᐃᑦᑐᕐᓗᒃᑕᐅᓐᓂᕈᕕᑦ ᓄᕙᒡᔪᐊᕐᓇᖅ-19-ᒧᑦ ᐋᓐᓂᐊᕈᑕᐅᔪᒧᑦ.
ᕙᐃᓱ-ᐸᐃᐋᓐᑕᒃ (Pfizer-BioNTech) ᑲᐴᑎ ᐊᖏᖅᑕᐅᓯᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᓄᑕᖅᑲᓄᑦ ᐅᑭᐅᖃᖅᑐᓄᑦ 12 ᐅᖓᑖᓄᓪᓘᓐᓃᑦ.
ᒪᑑᓇ (Moderna), ᐋᔅᑐᕋᔾᔨᓂᑲ (AstraZeneca) ᐊᒻᒪ ᔮᓐᓴᓐ ᐊᒻᒪᓗ ᔮᓐᓴᓐ (Johnson & Johnson) ᑲᐴᑏᑦ ᐊᖏᖅᑕᐅᓯᒪᔪᑦ ᐋᓐᓂᐊᖃᖅᑕᐃᓕᑎᑦᑎᔨᒃᑯᓐᓂᑦ ᑲᓇᑕᒥᑦ ᐊᑐᖅᑕᐅᔪᓐᓇᖅᖢᑎᒃ ᐃᓄᖕᓄᑦ ᐅᑭᐅᖃᖅᑐᓄᑦ 18 ᐅᖓᑖᓄᓪᓗ.
ᖃᐅᔨᓴᕈᒡᑎᑦ ᐱᓕᕆᐊᖑᓕᖅᑐᑦ ᓇᓗᓇᐃᖅᑕᐅᖁᓪᓗᒋᑦ ᐊᑦᑕᕐᓇᙱᓐᓂᖏᑦ ᐊᒻᒪᓗ ᐊᑑᑎᖃᕐᓂᖏᑦ ᓄᕙᒡᔪᐊᕐᓇᖅ-19-ᒧᑦ ᑲᐴᑏᑦ ᓄᑕᕋᐅᓂᖅᓴᓄᑦ.
ᒫᓐᓇᐅᔪᖅ ᑲᓇᑕᒥᑦ, ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᓃᑦ ᐊᑐᖅᑕᐅᖃᑦᑕᓪᓗᐊᙱᑦᑐᑦ ᐊᑕᐅᑦᑎᒃᑰᖃᑎᒋᔭᐅᓗᑎᒃ ᑲᐱᔭᐅᓂᕐᓄᑦ. ᑭᓯᐊᓂᓕ, ᐊᒥᐊᓕᒃᑲᓂᑦ, ᓄᕙᒡᔪᐊᕐᓇᖅ-19-ᒧᑦ ᑲᐴᑏᑦ ᐊᒻᒪᓗ ᐊᓯᖏᑦ ᑲᐴᑏᑦ ᑲᒪᒋᔭᐅᔪᓐᓇᖅᑐᑦ ᑲᖓᒃᑰᒐᓗᐊᕈᑎᒃ, ᐃᓚᐅᓪᓗᑎᒃ ᐊᑕᐅᑦᑎᒃᑯᑦ ᑲᒪᒋᔭᐅᓗᑎᒃ ᓄᕙᒡᔪᐊᕐᓇᖅ-19-ᒧᑦ ᑲᐴᑏᑦ ᐊᒻᒪᓗ ᐊᓯᖏᑦ ᑲᐴᑏᑦ ᐅᓪᓗᖅ ᑖᓐᓇᔅᓴᐃᓐᓇᐅᑎᓪᓗᒍ. ᐅᖃᖃᑎᒌᒍᑎᒋᓪᓗᐊᖅᑕᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑎᓂᒃ ᐃᒪᐃᙱᒃᑲᓗᐊᕐᒪᖔᑦ ᓇᓗᓇᐃᖅᑕᐅᓯᒪᓗᓂ ᐃᓕᖕᓄᑦ.
ᑭᒃᑯᓕᒫᑦᑎᐊᑦ ᐊᑕᖏᐸᓗᒃᖢᑎᒃ ᐊᑦᑕᕐᓇᙱᑦᑐᒃᑯᑦ ᑲᐱᔭᐅᔪᓐᓇᕐᓂᐊᖅᑐᑦ, ᑕᐃᒪᐃᒃᑲᓗᐊᖅᑎᓪᓗᒍ ᐅᓄᙱᑐᒻᒪᕇᑦ ᐃᓄᐃᑦ ᑲᐱᔭᐅᖏᑦᑕᕆᐊᖃᕐᓂᐊᖅᑐᑦ ᐱᔾᔪᑕᐅᓪᓗᑎᒃ ᑎᒥᖏᑦ ᐱᐅᒃᓴᙱᖃᑦᑕᕐᓂᖏᓐᓄᑦ ᐃᓗᓕᖏᓐᓂᒃ ᑲᐴᑎᐅᑉ. ᐱᔾᔪᑕᐅᓪᓗᑎᒃ ᑲᔪᓰᓐᓇᖅᑐᑦ ᖁᐊᖅᓵᕋᕈᑕᐅᖏᓐᓇᖅᑐᑦ ᓄᕙᒡᔪᐊᕐᓇᖅ-19-ᒧᑦ, ᐃᓄᓗᒃᑖᐸᓗᐃᑦ ᑲᐱᔭᐅᔪᓐᓇᖅᑎᑕᐅᔪᑦ. ᑕᐃᒪᐃᓐᓂᖓᓄᑦ, ᐃᓄᐃᑦ ᑎᒥᐅᑉ ᐋᓐᓂᐊᕐᓂᖏᓐᓄᑦ ᖃᓄᐃᓕᖓᓃᑦ ᐋᓐᓂᐊᕐᕕᖕᒥᑦ ᖁᐊᕐᓵᕐᓇᓗᐊᕆᔭᐅᔪᑦ ᐊᒃᓱᕈᕐᓇᕈᑎᖃᑐᐃᓐᓇᕆᐊᓖᑦ ᓄᕙᒡᔪᐊᕐᓇᖅ-19-ᒧᑦ ᐊᐃᑦᑐᕐᓗᒃᑕᐅᓂᕐᒧᑦ ᐊᒻᒪᓗ ᑲᐱᔭᐅᓪᓗᐊᖅᑐᑦ ᕿᓚᒻᒥᐅᓛᒃᑯᑦ ᐊᑐᐃᓐᓇᐅᕝᕕᐅᓕᑐᐊᕈᑎᒃ.
ᑕᒪᐃᑎᒍᑦ, ᐊᑦᑕᕐᓇᙱᑦᑐᑦ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᒍᕕᑦ, ᐋᓐᓂᐊᕈᓐᓃᖅᐸᓪᓕᐊᓕᓵᕋᓗᐊᕈᕕᑦ (ᓲᕐᓗ ᐋᓐᓂᐊᕈᑕᐅᕙᒃᑐᑦ ᐊᐅᐸᓪᓛᓚᐅᖅᓯᒪᔪᓄᑦ), ᑭᓯᐊᓂᓕ ᓄᑖᓂᒃ ᐋᓐᓂᐊᕈᑎᖃᓕᕈᕕᑦ ᐱᓕᕆᔪᓐᓇᐃᓪᓕᑎᑦᑎᔪᓂᒃ ᐱᓕᕆᒐᔪᒃᑕᕐᓂᒃ, ᐅᑕᖅᑭᓪᓗᐊᖅᑐᑎᑦ ᑲᐱᔭᐅᓂᒃᓴᕐᓂᒃ ᑭᓯᐊᓂ ᖃᓄᐃᑦᑐᓐᓃᑦᑎᐊᕈᕕᑦ. ᑕᒪᓐᓇ ᐃᑲᔪᕐᓂᖃᕐᓂᐊᖅᐳᖅ ᖃᐅᔨᑎᑦᑎᓂᕐᒥᒃ ᐊᒃᑐᖅᓯᑐᐃᓐᓇᕆᐊᓕᖕᓂᒃ ᑲᐴᑎᐅᑉ ᐱᒋᐊᓪᓚᒃᑎᒃᑎᓗᓂ ᐊᓯᖏᓐᓂᒃ ᐋᓐᓂᐊᕈᑎᓂᒃ.ᐊᒻᒪᓗᑦᑕᐅᖅ, ᐅᑕᖅᑭᓃᑦ ᐋᓐᓂᐊᕈᓐᓃᑦᑎᐊᕐᓂᕐᒥᒃ ᐊᑦᑐᕐᓗᒃᑕᐅᓐᓇᖅᑐᓂᒃ ᐋᓐᓂᐊᓂᑦ ᖁᐊᖅᓵᕐᓇᖅᑐᒦᑎᑦᑎᕈᔨᓇᑕ ᐊᓯᖏᓐᓂᒃ ᖁᐊᓵᕐᓇᑐᐃᓐᓇᕆᐊᓖᑦ ᐊᐃᑦᑐᕐᓗᒃᓯᓂᕐᒧᑦ ᐅᕙᒍᑎᒍᕕᑦ ᑲᐱᔭᐅᕝᕕᒃᓴᕐᓄᑦ.
ᐅᔾᔨᕐᓇᐅᑎᖃᕈᕕᑦ ᓄᕙᒡᔪᐊᕐᓇᖅ-19-ᒧᑦ, ᐊᖏᕐᕋᖅᓯᒪᓪᓗᐊᖅᑐᑎᑦ ᐊᒻᒪᓗ ᖃᐅᔨᓴᖅᑕᐅᓗᑎᑦ.
ᑭᒃᑯᓕᒫᑲᓴᑦᑎᐊᑦ ᐊᑦᑕᕐᓇᙱᑦᑐᒃᑯᑦ ᑲᐱᔭᐅᔪᓐᓇᕐᓂᐊᖅᑐᑦ. ᐃᓱᒫᓘᑎᒃᓴᕐᔪᐊᖅᑕᖃᙱᑦᑐᑦ ᐊᑦᑕᕐᓇᖅᑕᐃᓕᒪᓂᐅᑉ ᒥᒃᓵᓄᑦ ᑕᐃᒃᑯᓄᖓ ᐊᓐᓇᐅᒪᔾᔪᑎᖃᑦᑎᐊᙱᑦᑐᓄᑦ ᐅᕝᕙᓘᓐᓃᑦ ᐊᓐᓇᐅᒪᔾᔪᑎᖃᕈᓐᓃᕐᓇᖅᑐᓂᒃ ᖃᓂᒪᓕᖕᓄᑦ. ᐊᔪᕐᓇᙱᑦᑐᑦ ᑲᐱᔭᐅᓂᖅ ᓂᕆᐅᒋᔭᐅᔪᖅᑎᑑᕋᔭᙱᑦᑐᖅ ᐃᓄᖕᓂᑦ ᑕᐃᒃᑯᓇᓂ ᓴᙱᖏᑦᑐᒥᒃ ᐊᓐᓇᐅᒪᔾᔪᑎᓕᖕᓂᒃ. ᐊᐱᖅᑯᑎᒃᓴᖃᕈᕕᑦ ᐅᕝᕙᓘᓐᓃᑦ ᓴᙱᖏᑦᑐᒥᒃ ᐊᓐᓇᐅᒪᔾᔪᑎᖃᕈᕕᑦ ᐅᕝᕙᓘᓐᓃᑦ ᐊᓐᓇᐅᒪᔾᔪᑎᖃᕈᓐᓃᕐᓇᖅᑐᓂᒃ ᖃᓂᒪᖃᕈᕕᑦ, ᐅᖃᖃᑎᒋᒍᑦ ᐋᓐᓂᐊᕐᕕᖕᒧᑦ ᐊᑐᐃᓐᓇᐅᑎᑦᑎᔨᖕᓄᑦ ᓄᕙᒡᔪᐊᕐᓇᖅ-19-ᒧᑦ ᑲᐴᑏᑦ ᒥᒃᓵᓄᑦ.
ᐊᐅᓈᕐᓂᖅ ᓇᓗᓇᖅᑑᓪᓗᓂ ᑲᔪᓯᓂᐅᕙᖕᒪᑦ, ᐊᒻᒪᓗ ᐊᒃᑐᐃᔾᔪᑕᐅᔪᑦ ᐅᓄᖅᑑᔪᓐᓇᖅᖢᑎᒃ, ᓲᕐᓗ ᐊᕙᑏᑦ ᐊᓯᔾᔨᖅᐸᑦ, ᐃᓱᒫᓗᖕᓃᑦ, ᓯᓂᖕᓃᑦ ᐊᒻᒪᓗ ᐃᓚᖏᑦ ᐄᔭᒐᑦ. ᐃᒡᓕᐊᑉ ᖄᖓ ᐃᓱᒪᒋᔭᐅᔪᖅ ᐃᓚᒋᔭᐅᓪᓚᕆᒃᖢᓂ ᐊᓐᓇᐅᒪᔾᔪᑎᐅᔪᓄᑦ. ᐊᓐᓇᐅᒪᔾᔪᑏᑦ ᐱᓕᕆᕐᔪᐊᖅᓕᖅᑎᓪᓗᒍ ᓲᖃᐃᒻᒪ ᑲᐱᔭᐅᓯᒪᓂᕐᓄᑦ ᐅᕝᕙᓘᓐᓃᑦ ᐋᓐᓂᐊᕐᓂᕐᓄᑦ, ᐊᑐᑐᐃᓐᓇᕆᐊᖃᖅᑐᑎᑦ ᐊᓯᔾᔨᐅᑎᓂᒃ ᐃᒡᓕᐊᑉ ᐃᓗᐊ ᖃᓅᖃᑦᑕᖅᑐᓄᑦ. ᑕᐃᒪᐃᑎᓪᓗᒍ ᑲᐴᑎ ᐊᒃᑐᐃᓂᖃᑐᐃᓐᓇᕆᐊᓕᒃ ᐊᐅᓈᖃᖅᑕᕐᓂᕐᓄᑦ ᖃᓄᑭᓪᓚᕆᑭᐊᖅ.
ᑭᓯᐊᓂ, ᐃᓱᒪᒋᔭᐅᔭᕆᐊᓕᒃ ᖃᖓᑐᐃᓐᓇᖅ ᐃᓄᒋᐊᓂᒃ ᐃᓄᖕᓂᒃ ᑲᒪᒋᔭᐅᔪᖃᖅᑎᓪᓗᒍ, ᐃᒪᖏᑦ ᐃᓄᐃᑦ ᐊᑐᑐᐃᓐᓇᕆᐊᓖᑦ ᐊᓯᔾᔨᐅᑎᓂᒃ ᐊᐅᓈᖃᑦᑕᕐᓂᖏᓐᓄᑦ. ᒥᓕᐊᓐᖏᓐᓃᑦᑐᑦ ᑲᐱᔭᐅᖃᑦᑕᖅᓯᒪᓕᖅᑎᓪᓗᒋᑦ ᓄᓇᕐᔪᐊᒥᑦ, ᐱᑕᖃᕐᓂᐊᖅᑐᑦ ᐃᓚᖏᓐᓂᒃ ᐃᓄᖕᖕᓂᒃ ᐊᑐᖅᑐᓂᒃ ᐊᓯᔾᔨᐅᑎᓂᒃ ᐊᐅᓈᕈᓯᖏᓐᓄᑦᑕᐅᖅ. ᖃᐅᔨᓴᖅᑏᑦ ᐅᒃᐱᕈᓱᓪᓚᑦᑖᖅᑐᑦ ᑖᓐᓇ ᑲᐴᑎ ᐊᑦᑕᕐᓇᙱᓐᓂᖓᓂᒃ, ᐊᒻᒪᓗ ᐱᑕᖃᑦᑎᐊᙱᒻᒪᑦ ᑎᑎᖅᑲᖁᑎᓂᒃ ᐃᓱᒫᓘᑕᐅᔪᒃᓴᓂᒃ ᐊᓯᔾᔨᖅᓯᑐᐃᓐᓇᕆᐊᓕᖕᓂᒃ ᐊᐅᓈᕈᓯᖏᓐᓄᑦ.
ᑖᓐᓇ ᓄᕙᒡᔪᐊᕐᓇᖅ-19-ᒧᑦ ᑲᐴᑎ ᐊᐃᑦᑐᕐᓗᐃᔪᓐᓇᙱᑦᑐᑦ ᑲᐱᔭᐅᕌᓂᒃᓯᒪᓕᕈᕕᑦ, ᖃᓂᒃᓴᑲᑕᒃᑲᓗᐊᕈᕕᑦ ᑲᐱᔭᐅᓵᕐᓂᑯᓂᒃ ᐃᓄᖕᓂᒃ ᐊᒃᑐᐃᓇᔭᙱᑦᑐᑎᑦ ᑭᓇᑐᐃᓐᓇᐅᑉ ᐊᐅᓈᕐᓂᕆᕙᒃᑕᖓᓂᒃ.
ᐊᓯᔾᔨᐅᑏᑦ ᐊᑐᖅᑕᑎᑦ ᐊᐅᓛᕈᓯᕐᓂᑦ ᑲᐱᔭᐅᕌᓂᒃᑎᓪᓗᑎᑦ ᐊᑐᓚᐅᑲᑐᐃᓐᓇᖅᑐᑦ, ᑕᐃᒪᐃᓐᓂᖓᓄᑦ ᐱᔾᔪᑕᐅᓪᓗᐊᙱᑦᑐᑦ ᑲᐱᔭᐅᙱᓐᓂᕐᒧᑦ. ᑭᓯᐊᓂ, ᐊᕐᓇᐃᑦ ᐃᓱᒫᓗᒃᑐᑦ ᐅᖃᖃᑎᖃᓪᓗᐊᖅᑐᑦ ᓘᒃᑖᕐᒥᖕᓂᒃ ᐊᐅᓈᖃᑦᑕᕐᓂᖏᑦ ᑭᖑᕙᕆᐊᖅᑕᐃᓐᓇᕆᐊᖃᕐᒪᑦ ᐊᓯᖏᓐᓂᒃ ᐱᔾᔪᑎᖃᕐᓗᑎᒃᑕᐅᖅ.
ᑲᓇᑕᒥᑦ ᓴᓴᐃᑎᒃᑯᑦ ᓇᔾᔨᔪᓕᕆᓂᖅ ᐃᕕᐊᙱᓕᐅᕆᔨᓗ (SOGC), ᑲᓇᑕᒥᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᐊᓛᖏᑦ ᑲᐱᔭᐅᖃᑦᑕᕐᓂᕐᒧᑦ, ᐊᒻᒪᓗ ᑭᒃᑯᓕᒫᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᒪᑲᑦ ᑲᓇᑕᒥᑦ ᐊᑕᖏᖅᖢᑎᒃ ᐅᖃᐅᔾᔨᒋᐊᖅᓯᒪᔪᑦ ᐊᕐᓇᓂᑦ ᓯᖓᐃᔪᓂᒃ ᐅᕝᕙᓘᓐᓃᑦ ᐊᒫᒪᒃᑎᑦᑎᔪᑦ ᒥᑭᑦᑐᖁᑎᒥᓂᒃ ᓯᕗᓪᓕᐅᔾᔭᐅᓪᓗᐊᖅᑐᑦ ᐊᒻᒪᓗ ᐊᑐᐃᓐᓇᐅᑎᑕᐅᖏᓐᓇᕐᓗᑎᒃ ᑲᐴᑏᑦ ᖃᖓᑕᐃᓐᓇᖅ (ᓇᓕᐊᖕᓂᑐᐃᓐᓇᖅ ᑕᖅᑭᖏᓐᓂᑦ ᐱᖓᓱᓂᑦ) ᓯᖓᐃᑎᓪᓗᒋᑦ ᐊᒻᒪᓗ ᐊᒫᒪᒃᑎᑦᑎᑎᓪᓗᒋᑦ ᐊᔪᙱᑎᑕᐅᒍᑎᒃ ᐊᒻᒪᓗ ᓯᖓᐃᓕᔾᔭᐃᒃᑯᑎᖃᙱᒃᑯᑎᒃ. ᐊᐱᖅᑯᑎᖃᕈᕕᑦ, ᐊᒻᒪᓗ ᓯᖓᐃᓗᑎᑦ, ᐸᕐᓇᒃᓯᒪᓗᑎᒃ ᓯᖓᐃᓕᕈᒪᓗᑎᑦ ᐅᕝᕙᓘᓐᓃᑦ ᐊᒫᒪᒃᑎᑦᑎᒍᕕᑦ ᒥᑭᑦᑐᖁᑎᖕᓂᒃ, ᐅᖃᖃᑎᒋᔪᓐᓇᖅᑕᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑎ ᓄᕙᒡᔪᐊᕐᓇᖅ-19-ᒧᑦ ᑲᐴᑏᑦ ᒥᒃᓵᓄᑦ.
ᓇᓗᓇᐃᔭᐅᑎᑕᖃᙱᑦᑐᑦ ᑖᒃᑯᐊ ᓇᓕᐊᑐᐃᓐᓇᖅ ᑲᐴᑏᑦ ᐃᓚᐅᓪᓗᑎᒃ ᓄᕙᒡᔪᐊᕐᓇᖅ-19-ᒧᑦ ᑲᐴᑎ ᐊᒃᑐᐃᖃᑦᑕᕐᒪᖔᑦ ᕿᑐᕐᖓᒃᓴᖅᑖᕈᑎᓄᑦ ᐊᕐᓇᓂᑦ ᐊᖑᑎᓂᓪᓘᓐᓃᑦ.
ᐅᓄᙱᑦᑐᒻᒪᕇᑦ ᐱᔾᔪᑕᐅᔪᑦ ᑭᓇᑐᐃᓐᓇᕐᒧᑦ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᙱᔾᔪᑎᒃᓴᑦ.
ᑲᐱᔭᐅᓪᓗᐊᙱᑦᑐᑎᑦ ᐃᒪᐃᒃᑯᕕᑦ:
1. ᐱᒻᒪᕆᐅᔪᓂᒃ ᑎᒦᑦ ᐱᐅᒃᓴᙱᔾᔪᑎᖃᖅᐸᑦ ᓇᓕᐊᖕᓄᑐᐃᓐᓇᖅ ᐃᓗᓕᖏᓐᓄᑦ ᑲᐴᑎᐅᑉ: ᐃᓗᓕᕆᔭᐅᔪᖅ ᑕᐃᑲᓂ mRNA ᑲᐴᑎᓂᑦ ᐊᒃᑐᐊᔪᑦ ᐱᑕᖃᒐᔪᙱᑦᑐᓂᒃ ᑭᓯᐊᓂ ᐱᓪᓚᕆᐅᔪᓂᒃ ᑎᒥᒃᑯᑦ ᐱᐅᒃᓴᙱᔾᔪᑎᓂᒃ (ᐊᑦᑕᕐᓇᓪᓚᕆᒃᑐᑦ ᑎᒥᐅᑉ ᐱᐅᒃᓴᙱᔾᔪᑖᑦ) ᓴᓇᔭᐅᓯᒪᔪᖅ ᓴᓗᒻᒪᖅᓴᐅᑎᒃᓴᔭᒃ (PEG), ᓇᓂᔭᐅᔪᓐᓇᖅᑐᑦ ᐃᓚᖏᓐᓂᒃ ᐱᐅᓴᐅᑎᓂᒃ, ᐅᕕᓂᒃᓯᐅᑎᓂᒃ, ᐊᓇᓚᓐᓇᖅᑐᓂᑦ, ᐊᒻᒪᓗ ᓴᓇᔭᐅᓯᒪᔪᑦ ᓂᕿᓂᑦ ᐃᒥᒐᕐᓂᓪᓗ ᐊᓯᖏᓐᓂᓪᓗ ᑭᓱᑐᐃᓐᓇᕐᓂᑦ. ᖃᐅᔨᒪᔭᕆᐊᓕᒃ: ᓴᓇᔭᐅᓯᒪᔪᖅ ᓴᓗᒻᒪᖅᓴᐅᑎᒃᓴᔭᒃ (PEG) ᐃᓚᒋᔭᐅᙱᑦᑐᑦ ᐋᔅᑐᕋᔾᔨᓂᑲ (AstraZeneca) ᑲᐴᑎᓂᑦ ᐊᒻᒪ ᔮᓐᓴᓐ ᐊᒻᒪᓗ ᔮᓐᓴᓐ (Johnson & Johnson) ᑲᐴᑎᓂᑦ. ᐃᓚᓕᐅᔾᔭᐅᓯᒪᔪᖅ ᐋᔅᑐᕋᔾᔨᓂᑲ (AstraZeneca) ᐊᒻᒪ ᔮᓐᓴᓐ ᐊᒻᒪᓗ ᔮᓐᓴᓐ (Johnson & Johnson) ᑲᐴᑎᓂᑦ ᐊᒃᑐᐊᓪᓗᑎᒃ ᐱᑕᖃᒐᔪᙱᑦᑐᓂᒃ ᑭᓯᐊᓂ ᐱᕐᔪᐊᖑᔪᓐᓇᖅᑐᑦ ᑎᒥᐅᑉ ᐱᐅᒃᓴᖏᓐᓂᖏᑦ ᓴᓇᔭᐅᓯᒪᔪᖅ ᖁᖅᓱᖅᑐᑦ ᐃᒥᖅ (Polysorbate 80) – ᓇᓂᔭᐅᔪᓐᓇᕐᒥᔪᖅ ᐋᓐᓂᐊᕐᕕᖕᒥᑦ ᐱᕙᒌᔭᐅᑕᐅᕙᒃᑐᓂᑦ (ᓲᕐᓗ ᖃᐅᑕᒫᑦ ᐃᔮᒐᐃᑦ ᐅᖅᓱᖏᑦ, ᐄᔭᒐᑦ ᐊᒻᒪᓗ ᐋᓐᓂᐊᖅᑖᖅᑎᑦᑎᑕᐃᓕᔾᔪᑏᑦ) ᐊᒻᒪᓗ ᐱᐅᓴᐅᑎᓂᑦ.
2. ᐃᓅᓯᕐᒥᑦ-ᖁᐊᖅᓵᕋᕈᓐᓇᖅᑐᑦ ᖃᓄᐃᓪᓕᔾᔪᑕᐅᔪᑦ ᓯᕗᓪᓕᕐᒧᑦ ᑲᐱᔭᐅᓂᕐᒧᑦ ᓄᕙᒡᔪᐊᕐᓇᖅ-19-ᒧᑦ ᐅᕝᕙᓘᓐᓃᑦ ᓇᓕᐊᑐᐃᓐᓇᖅ ᐃᖓᒋᔭᐅᔪᖅ ᑲᐴᑎᓄᑦ.
ᐅᖃᖃᑎᒋᓗᒋᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑏᑦ ᐊᑐᓚᐅᖅᓯᒪᒍᕕᑦ ᐊᑦᑕᕐᓇᓪᓚᕆᒃᑐᑦ ᑎᒥᐅᑉ ᐱᐅᒃᓴᙱᔾᔪᑖᓄᑦ ᖃᓄᐃᓪᓕᔾᔪᑎᕕᓂᕐᓂᒃ ᑭᓯᐊᓂᓕ ᖃᐅᔨᒪᙱᓪᓗᒍ ᖃᓄᐃᒻᓚᑦ ᑕᐃᒪᐃᓐᓂᕐᒪᖔᑦ. ᐱᓪᓚᕇᑦ, ᐃᓅᓯᕐᒧᑦ-ᐊᑦᑕᕐᓇᖅᑐᑦ ᑎᒥᐅᑉ ᐱᐅᒃᓴᙱᓐᓂᖓᓄᑦ ᖃᓄᐃᓪᓕᔪᑏᑦ ᑲᐴᑎᒥᑦ (ᐊᑦᑕᕐᓇᓪᓚᕆᒃᑐᑦ ᑎᒥᐅᑉ ᐱᐅᒃᓴᙱᔾᔪᑖᑦ) ᐱᑕᖃᒐᔪᙱᑦᑐᑦ – ᐱᑕᖃᒐᔪᙱᓐᓂᖅᓴᐅᔪᑦ ᐃᓱᒪᒋᔭᐅᔪᓂᑦ ᐃᓄᖕᓂᑦ. ᐊᑦᑕᕐᓇᓪᓚᕆᒃᑐᑦ ᑎᒥᐅᑉ ᐱᐅᒃᓴᙱᔾᔪᑖᑦ ᑕᐃᒪᐃᑎᑕᐅᙱᑦᑐᓐᓇᖅᑐᑎ ᐊᒥᓱᓂᑦ ᐊᒻᒪᓗ ᑲᒪᖏᔭᐅᔪᓐᓇᖃᑦᑕᖅᑐᐃᓐᓇᐅᓪᓗᑎᒃ ᑕᐃᒪᐃᑦᑐᑦ. ᐊᑕᖏᖅᖢᑎᒃ ᑲᐱᓯᕙᒃᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᑏᑦ ᑲᓇᑕᒥᑦ ᐃᓕᓐᓂᐊᖅᓯᒪᔭᕆᐊᓖᑦ ᐊᒻᒪᓗ ᖃᐅᔨᓴᑦᑎᐊᕐᓗᑎᒃ ᑲᒪᓗᑎᒡᓗ ᐊᑦᑕᕐᓇᓪᓚᕆᒃᑐᑦ ᑎᒥᐅᑉ ᐱᐅᒃᓴᙱᔾᔪᑎᖏᓐᓂᒃ ᒫᓐᓇᑲᐅᑎᒋ. ᐱᑕᖃᒐᔪᙱᑦᑐᑦ, ᐱᓪᓗᒋᑦ ᐊᑐᓕᖁᔭᐅᔪᑦ ᑎᒥᒧᑦ ᐱᐅᒃᓴᙱᓐᓂᕐᒧᑦ ᐊᒻᒪᓗ ᐋᓐᓂᐊᖃᖅᑕᐅᓕᒪᑎᑦᑎᔨ, ᐃᓄᒃ ᑲᐱᔭᐅᔪᓐᓇᖅᑐᑦ ᐋᓐᓂᐊᕐᕕᖕᒦᓪᓗᓂ.
ᐊᑐᖁᔭᐅᙱᑦᑑᒐᓗᐊᑦ ᐃᒥᐊᓗᖕᒥᒃ ᐃᒥᖃᑦᑕᕐᓃᑦ ᐅᕝᕙᓘᓐᓃᑦ ᐋᖓᔮᕐᓗᑎᑦ ᑲᐱᔭᐅᔭᖅᑐᖁᔭᐅᙱᑦᑐᑎᑦ ᖃᐃᕝᕕᒃᓴᕐᓂᑦ. ᐃᒪᐃᙱᑦᑑᒐᓗᐊᖅ ᑲᐴᑎᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓲᒫᓘᑕᐅᙱᑦᑐᖅ (ᐃᒥᐊᓗᒃ ᐊᒃᑐᐃᖃᑦᑕᕐᓂᖓᓄᑦ ᑲᐴᑎᒥᒃ) ᑭᓯᐊᓂᓕ ᓲᖃᐃᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑏᑦ ᐃᓱᒪᒃᓴᖅᓯᐅᑦᑎᐊᖅᓯᒪᔪᒥᒃ ᐊᖏᖅᓯᒪᔭᕆᐊᖃᕐᓃᑦ ᑲᐱᔭᐅᓚᐅᖅᑳᖅᑎᓐᓇᑎᑦ. ᐃᒥᐊᓗᒃ ᐊᒃᑐᐃᓂᖃᑐᐃᓐᓇᕆᐊᓕᒃ ᓱᓐᓂᐅᒪᓗᑎᑦ (ᐱᙱᓐᓂᖅᓴᐅᓗᓂ) ᑐᑭᓯᐊᑦᑎᐊᕈᓐᓇᕐᓂᕐᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᓴᐅᒪᔾᔪᑎᓂᒃ ᐊᒻᒪᓗ ᐊᐱᖅᑯᑎᓂᒃ.
ᖃᐅᔨᓴᖅᑕᐅᓯᒪᙱᑦᑐᑦ ᐃᒥᐊᓗᖕᒥᒃ ᐊᑐᖅᓯᒪᓗᒥ ᐊᒻᒪᓗ ᐊᑑᑎᖃᕐᓂᖓ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᓂᕐᒧᑦ. ᐃᓄᐃᑦ ᐊᔪᓕᕈᑎᖃᖅᓯᒪᔪᑦ ᐃᒥᐊᓗᖕᒥᒃ ᐊᑐᕐᓂᕐᒧᑦ ᓈᒻᒪᙱᓕᐅᕈᑎᓂᒃ (AUD) ᐊᓐᓇᐅᒪᔾᔪᑎᖃᑦᑎᐊᙱᑐᐃᓐᓇᕆᐊᓕᑦ (ᓴᙲᓐᓂᖅᓴᒥᒃ) ᐊᒻᒪᓗ ᐅᖃᖃᑎᖃᓪᓗᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑎᓂᒃ. ᖃᐅᔨᒪᔨᑕᑦ ᐃᓱᒪᒋᔭᖏᑦ ᐱᓗᐊᖅᓯᒪᙱᓪᓗᑎᒃ ᐃᒥᐊᓗᖕᒥᒃ ᐊᑐᖅᑐᑦ ᐊᒃᑐᐃᓂᕐᓗᖕᓂᖃᑐᐃᓐᓇᕆᐊᓖᑦ ᐊᓐᓇᐅᔭᔾᔪᑎᖏᑦ ᖃᓄᐃᓐᓇᔭᕐᓂᖏᑦ ᑲᐴᑎᒥᑦ.
ᓱᕐᕋᖕᓇᖅᑐᒥᒃ ᐊᑐᖃᑦᑕᕈᕕᑦ, ᓄᕙᒡᔪᐊᕐᓇᖅ-19-ᒧᑦ ᑲᐴᑎ ᐃᓕᖕᓄᑦ ᐊᑦᑕᕐᓇᙱᑦᑑᔪᖅ.
ᐃᓕᒃᓴᓕᐅᖅᓯᒪᓃᑦ ᓈᒻᒪᒃᓯᒃᐸᑦ, ᐃᒪᐃᖁᔨᔪᒎᒐᓗᐊᖅ ᑕᐃᑯᙵᐅᓕᕈᕕᑦ ᓱᕐᕋᒃᓯᒪᙱᓪᓗᑎᑦ. ᐃᒪᐃᙱᑦᑐᑦ ᑯᐴᑎᒧᑦ ᐊᑦᑕᕐᓇᕈᓐᓇᐅᑏᑦ ᐃᓱᒫᓘᑏᑦ (ᓱᐴᖅᑐᒐᒃ ᐊᒃᑐᐃᓂᖃᖃᑦᑕᕐᓂᖓᓄᑦ ᑲᐴᑎᒥᒃ) ᑭᓯᐊᓂᓕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑎᓂᒃ ᐃᓱᒪᒃᓴᖅᓯᐅᑦᑎᐊᖅᓯᒪᔪᒥᒃ ᐊᖏᖅᓯᒪᔭᕆᐊᖃᕐᓃᑦ ᑲᐱᔭᐅᓚᐅᖅᑳᖅᑎᓐᓇᑎᑦ. ᓱᐴᖅᑐᒐᑦ ᐊᒃᑐᐃᓂᖃᑐᐃᓐᓇᕆᐊᓕᒃ ᓱᓐᓂᐅᒪᓗᑎᑦ (ᐱᙱᓐᓂᖅᓴᐅᓗᓂ) ᑐᑭᓯᐊᑦᑎᐊᕈᓐᓇᕐᓂᕐᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᓴᐅᒪᔾᔪᑎᓂᒃ ᐊᒻᒪᓗ ᐊᐱᖅᑯᑎᓂᒃ.
ᖃᐅᔨᓴᖅᑕᐅᓯᒪᙱᑦᑐᑦ ᓱᕐᕋᖕᓇᖅᑯᒥᒃ ᐊᑐᕐᓃᑦ ᐊᒻᒪᓗ ᐊᑑᑎᓂᖓ ᓄᕙᒡᔪᐊᕐᓇᖅ-19-ᒧᑦ ᑲᐴᑏᑦ. ᓴᖅᑭᑉᐸᓪᓕᐊᔪᓂᒃ ᓇᓗᓇᐃᔭᐅᑎᑕᖃᓕᖅᐸᓪᓕᐊᓂᖓᓄᑦ ᑖᒃᑯᐊ ᓱᕐᕋᖕᓇᖅᑐᒥᒃ ᓱᐴᖅᑐᓲᑦ ᐊᒃᑐᐃᓂᕐᓗᒃᑕᐅᑐᐃᓐᓇᕆᐊᓖᑦ ᐃᓅᑉ ᐊᓂᖅᓵᕈᑎᖏᓐᓂᒃ ᐊᒻᒪᓗ ᐊᓐᓇᐅᒪᔾᔪᑎᖏᓐᓂᒃ ᑕᐃᒪᐃᓐᓂᖓᓄᑦ ᐱᒻᒪᕆᐅᒋᐊᓪᓚᖕᓂᖅᓴᐅᔪᖅ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᓗᑎᒃ ᓴᐳᑎᓯᒪᖁᓪᓗᒋᑦ ᐋᓐᓂᐊᕐᓇᒧᑦ ᓱᐴᖅᑐᖃᑦᑕᕈᕕᑦ.