ᑲᐱᔭᐅᕌᓂᒃᑯᕕᑦ

ᐅᖃᓪᓚᑦᑖᕈᓐᓇᙱᑦᑐᒍᑦ, ᑭᓯᐊᓂᓕ ᐊᔪᕐᓇᙱᑕᑐᐃᓐᓇᕆᐊᓕᒃ ᐋᓐᓂᐊᖃᕐᓗᑎᑦ ᑲᐱᔭᐅᓯᒪᒐᓗᐊᕈᕕᑦ. ᖃᐅᔨᒪᙱᑦᑐᒍᑦ ᑲᐆᑎ ᓴᐳᔾᔨᓯᒪᓂᐊᕐᒪᖔᑦ ᐃᓄᖕᓂᒃ ᐋᓐᓂᐊᓕᖅᑎᑦᑎᑕᐃᓕᓗᓂ, ᑭᓯᐊᓂᓕ ᐊᔪᕐᓇᙱᑐᐃᓐᓇᕆᐊᓕᒃ ᐋᓐᓂᐊᖃᕐᓗᑎᒃ ᐊᒻᒪᓗ ᐊᐃᑦᑐᕐᓗᐃᔪᓐᓴᕐᓗᑎᒃ ᑲᐱᔭᐅᓯᒪᒐᓗᐊᖅᑎᓪᓗᑎᑦ. ᐃᓕᑉᐸᓪᓕᔪᒍᑦ ᐋᓐᓂᐊᕐᕕᖕᒥᑦ ᖃᐅᔨᓴᖅᑕᐅᔪᑦ ᑲᔪᓯᕙᓪᓕᐊᑎᓪᓗᒋᑦ ᐊᒻᒪᓗ ᒫᓐᓇ ᓇᓗᓇᕈᑏᑦ ᓴᖅᑭᑉᐸᓪᓕᐊᑎᓪᓗᒋᑦ. ᒫᓐᓇᐅᔪᕐᑯᒃ, ᑲᔪᓰᓐᓇᕆᐊᖃᕐᓂᐊᖅᑐᒍᑦ ᒪᑐᐊᖅᓯᒪᖃᑦᑕᐃᓐᓇᕐᓗᑕ, ᐅᖓᓯᒌᖃᑦᑕᕐᓗᑕ, ᐊᒻᒪᓗ ᒪᓖᓐᓇᕐᓗᑎᒍᑦ ᐋᓐᓂᐊᖃᖅᑕᐃᓕᒪᑎᑦᑎᔨᒃᑯᑦ ᐊᑐᖁᔭᖏᓐᓂᒃ ᑭᓯᐊᓂ ᓈᒻᒪᒃᓯᒃᐸᑕ ᑲᓇᑕᒥᐅᑦ ᑲᐱᔭᐅᓯᒪᔪᑦ ᑕᒪᕐᒦᖕᓂᒃ.

ᐱᓇᓱᐊᕈᓰᖕᓂᒃ ᒪᕐᕉᖕᓂᒃ ᑭᖑᓪᓕᐊᓄᑦ ᑲᐱᔭᐅᔭᕇᖅᓯᒪᓕᕈᕕᑦ ᑎᒦᑦ ᓴᓇᓂᐊᖅᑐᑦ ᐊᓐᓇᐅᒪᔾᔪᑎᓂᒃ ᑲᐱᔭᐅᕌᓂᒃᓯᒪᓕᕈᕕᑦ. ᑭᓇᑐᐃᓐᓇᖅ ᐊᐃᑦᑐᕐᓗᒃᑕᐅᔪᖅ ᐋᓐᓂᐊᕐᓇᒧᑦ ᑲᐱᔭᐅᓂᐊᓵᖅᑎᓪᓗᒍ ᐅᕝᕙᓘᓐᓃᑦ ᑲᐱᔭᐅᕌᓂᓵᖅᑎᓪᓗᒍ ᐋᓐᓂᐊᓕᕈᓂ, ᓲᖃᐃᒻᒪ ᑯᐴᑎ ᐱᕕᖄᓂᒃᓯᒪᙱᒻᒪᑦ ᓴᐳᔾᔨᔭᕆᐊᒃᓴᖅ.

ᑕᐃᒪᐃᓐᓂᖓᓄᑦ ᐊᑕᖏᖅᖢᒋᒃ ᒪᕐᕉᖕᓂᒃ ᑲᐱᔭᐅᔭᕆᐊᖃᖃᑦᑕᖅᑐᑦ.

ᓄᕙᒡᔪᐊᕐᓇᖅ-19-ᒧᑦ ᑲᐴᑏᑦ ᐊᑑᑎᖃᓕᓵᕐᓂᖏᒃ ᖁᕝᕙᓯᒃᑐᒻᒪᕆᐅᔪᑦ ᑲᐱᔭᐅᓚᐅᖅᑎᓪᓗᑎᑦ ᓯᕗᓪᓕᕐᒧᑦ (80-92%) ᐊᒻᒪᓗ ᐊᑑᑎᖃᕈᓐᓇᖅᑐᑦ ᑕᖅᑭᒐᓴᖕᓄᑦ.

ᐊᑐᖅᓯᒪᔪᑦ ᐊᓯᖏᓐᓂᒃ ᐊᒥᓱᐊᖅᑎᖅ−ᑲᐱᔭᐅᓃᑦ ᐃᓄᑐᐊᒧᑦ ᑲᐱᔭᐅᓚᐅᖅᑎᓪᓗᒋᑦ ᐃᒪᐃᖁᔨᓯᒪᖅᑰᔨᔪᑦ ᐊᑯᓂᐅᓂᖅᓴᒥᒃ ᓴᐳᔾᔭᐅᓯᒪᔪᓐᓇᕐᓗᑎᒃ ᑕᖅᑮᓄᑦ ᐊᕐᕕᓂᓕᖕᓄᑦ ᐊᑯᓂᐅᓂᖅᓴᕐᓘᓐᓃᑦ. ᐊᒡᓛᑦ, ᐊᒥᓱᑦ ᖃᐅᔨᓴᕈᑏᑦ ᓴᖅᑮᓯᒪᔪᑦ ᐱᐅᓂᖅᓴᒥᒃ ᐊᓐᓇᐅᒪᔾᔪᓯᖅᑕᐅᔪᓐᓇᖅᑐᑎᑦ ᖃᓄᐃᓕᐅᕈᓐᓇᖅᑐᒥᒃ ᐊᑯᓐᓂᐅᔪᒃᑯᑦ ᐅᑕᖅᑭᒍᕕᑦ. ᑕᐃᒪᐃᒻᒪᑦ ᑕᒪᓐᓇ ᖃᐅᔨᔭᐅᓯᒪᔪᖅ ᑭᒡᓕᓯᓂᐊᕐᓂᒃᑯᑦ.

ᐊᑕᖏᐸᓗᒃᖢᒋᑦ ᑲᐴᑏᑦ, ᐊᓐᓇᐅᒪᔾᔪᑏᑦ ᖁᕝᕙᓯᓕᕇᖕᓂᖏᑦ (ᐊᓐᓇᐅᒪᔾᔪᑏᑦ) ᐊᒃᐸᖅᐸᓪᓕᐊᖃᑦᑕᖅᑐᑦ ᐊᒻᒪᓗ ᐊᑦᑎᓗᐊᓕᕐᓂᖅᓴᐅᓕᑳᓪᓚᒃᐸᙱᑦᑐᑦ ᓴᐳᔾᔭᐅᓯᒪᓂᕐᒧᑦ ᖁᕝᕙᓯᓕᕇᖏᑦ. ᑕᖅᑮᓪᓗᓃᑦ ᐊᕐᕌᒍᐃᓪᓘᓐᓃᑦ ᐊᓂᒍᕌᖓᑕ, ᑲᐱᔭᐅᒃᑲᓐᓂᕈᕕᑦ ᐊᓐᓇᐅᒪᓂᖅᓴᐅᓕᕈᓐᓇᖅᑐᑎᑦ ᖁᕝᕙᓯᖕᓂᖅᓴᒃᑯᑦ, ᐊᑯᓂᐅᓂᖅᓴᒥᒃ ᓴᐳᔾᔭᐅᔪᓐᓇᕐᓗᑎᑦ.

ᒫᓐᓇ ᑕᑎᒃᓴᑦᑎᐊᕙᐅᓂᖅᓴᒥᒃ ᐱᑕᖃᖅᑎᑦᑎᓕᕐᓂᖏᓐᓄᑦ ᑲᓇᑕᒥᑦ, ᑲᖓᒃᑰᓂᖓ ᐊᑯᓐᓂᖏᑦ ᑲᐱᔭᐅᓃᑦ ᐅᓄᕈᓐᓃᕆᐊᖅᑕᐅᓯᒪᔪᑦ ᐱᖓᓱᓂᒃ ᐊᕐᕕᓂᖕᓄᑦ ᐱᓇᓱᐊᕈᓯᕐᓄᑦ. 

ᐄ, ᒫᓐᓇᓚᐅᑲᒃ, ᑭᓯᐊᓂ ᑭᒃᑯᓕᒫᓄᑦ ᐋᓐᓂᐊᖃᖅᑕᐃᓕᑎᑦᑎᔨᒃᑯᑦ ᑎᒥᖁᑖ ᑲᓇᑕᒥᑦ ᓇᓗᓇᐃᖅᓯᒃᐸᑦ ᖃᖓᒃᑯᑦ ᓈᒻᒪᓛᖑᖕᒪᖔᑦ ᒪᑐᐊᖅᓯᒪᖃᑦᑕᕈᓐᓃᕐᓗᓯ ᐊᒻᒪᓗ ᐅᖓᓯᒌᖃᑦᑕᕈᓐᓃᕐᓗᓯ. ᑖᓐᓇ ᐱᔾᔪᑎᖃᖅᑐᑦ ᐊᒥᓱᒐᓚᖕᓂᒃ ᐱᓇᓱᐊᕈᓯᕐᓂᒃ ᑲᐴᑎ ᐊᑑᑎᖃᓕᑕᐃᓐᓇᓲᖑᓂᖓᓄᑦ (ᓴᓇᓇᓱᐊᖅᑎᓪᓗᒍ ᐊᓐᓇᐅᒪᔾᔪᑎᓂᒃ) ᐊᒻᒪᓗ ᓴᐳᔾᔭᐅᓯᒪᓛᖑᔪᓐᓇᖅᑐᑎᑦ ᑭᓯᐊᓂ ᐱᐊᓂᒃᓯᒪᓕᕈᖕᓂ ᑭᖑᓪᓕᕐᒥᑦ ᑲᐱᔭᐅᓂᑦ ᑖᒃᑯᓇᙵᑦ ᕙᐃᓱ-ᐸᐃᐋᓐᑕᒃ (Pfizer-BioNTech), ᒪᑑᓇ (Moderna) ᐊᒻᒪᓗ ᐋᔅᑐᕋᔾᔨᓂᑲ (AstraZeneca) ᓄᕙᒡᔪᐊᕐᓇᖅ-19-ᒧᑦ ᑲᐴᑏᑦ, ᐊᒥᓲᓛᖑᔪᓐᓇᖅᐸᑕ ᐃᓄᐃᑦ ᐊᔪᕐᓇᙱᓐᓂᓕᒫᖓᓄᑦ.

ᖃᐅᔨᒪᙱᑦᑐᒍᑦ ᓱᓕ ᖃᓄᖅ ᐊᑯᓂᐅᑎᒋᔪᖅ ᓴᐳᔾᔭᐅᓯᒪᓇᔭᕐᒪᖔᑕ ᑕᐃᒃᑯᐊ ᑲᐱᔭᐅᓯᒪᔪᑦ. ᖃᐅᔨᓴᕈᑏᑦ ᑕᒪᒃᑯᓄᖓ mRNA ᑲᐴᑎᓄᑦ ᒫᓐᓇ ᓴᖅᑭᔮᖅᑎᑦᑎᔪᑦ ᑕᐃᒃᑯᐊ ᐃᓄᐃᑦ ᑲᐱᔭᐅᓯᒪᔪᑦ ᐊᓐᓇᐅᒪᔾᔪᑎᖅᑯᖅᑐᔪᒻᒪᕇᑦ ᓄᕙᒡᔪᐊᕐᓇᖅ-19-ᒧᑦ ᑕᖅᑭᓄᑦ ᐊᕐᕕᓂᓕᖕᓄᑦ. ᖃᐅᔨᒪᓇᖅᑰᔨᔪᖅ ᐊᓐᓇᐅᒪᔾᔪᑎᖃᕐᓂᖅ ᐊᑯᓂᐊᓘᕈᓐᓇᖅᑐᑦ, ᑭᓯᐊᓂ ᖃᐅᔨᓴᕈᑏᑦ ᖃᐅᔨᓴᕆᐊᖃᕐᓂᐊᖅᑐᑦ ᑕᒪᑐᒥᖓ ᐊᑯᓂᐅᔪᒃᑯᑦ.

ᒫᓐᓇᐅᔪᖅ, ᖃᐅᔨᒪᓪᓚᕆᙱᑦᑐᒍᑦ ᐊᓐᓇᐅᒪᔾᔪᑏᑦ ᐊᑯᓂᐅᑎᒋᓂᖃᕐᓂᐊᕐᒪᖔᑦ ᐊᕐᕌᒍᒥᑦ ᐅᕝᕙᓘᓐᓃᑦ ᐊᕐᕌᒍᓄᑦ ᖁᓕᓄᑦ, ᑲᐱᔭᐅᒃᑲᓐᓂᕆᐊᖃᕐᓂᐊᕐᒪᖔᑕᓘᓐᓃᑦ ᓴᙱᒃᑎᒋᐊᕈᑎᒥᒃ ᖃᖓᑭᐊᖅ.

ᐊᑑᑎᖃᓕᖃᑦᑕᖅᑐᑦ ᐱᓇᓱᐊᕈᓯᒐᓚᐃᑦ ᑎᒥ ᓴᓇᓇᓱᐊᖅᑎᓪᓗᒍ ᐊᓐᓇᐅᒪᔾᔪᑎᓂᒃ ᑭᖑᓂᐊᒍᑦ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᓚᐅᖅᑎᓪᓗᑎᑦ. ᑭᓯᐊᓂᓕ ᐃᖅᑲᐅᒪᒋᑦ ᑖᒃᑯᐊ ᒪᕐᕉᒃ ᑭᖑᓕᕇᑦ ᐱᔭᐅᔭᕆᐊᖃᕐᒪᑕ ᐱᐅᓛᒥᒃ ᐊᓐᓇᐅᒪᔾᔪᑎᖃᕈᓐᓇᖁᓪᓗᑎᑦ ᑖᒃᑯᓇᖓᑦ ᕙᐃᓱ-ᐸᐃᐋᓐᑕᒃ (Pfizer-BioNTech), ᒪᑑᓇ (Moderna) ᐊᒻᒪᓗ ᐋᔅᑐᕋᔾᔨᓂᑲ (AstraZeneca) ᓄᕙᒡᔪᐊᕐᓇᖅ-19-ᒧᑦ ᑲᐴᑎᓂᑦ. ᔮᓐᓴᓐ ᐊᒻᒪᓗ ᔮᓐᓴᓐ (Johnson & Johnson) ᓄᕙᒡᔪᐊᕐᓇᖅ-19-ᒧᑦ ᑲᐴᑏᑦ ᑭᓯᐊᓂ ᐊᑕᐅᓯᐊᖅᑕᐅᓲᑦ.

ᑲᐱᔭᐅᕌᓂᒃᑯᕕᑦ, ᐊᑐᖅᑕᐅᒐᔪᒃᑐᖅ ᕿᓚᒻᒥᑯᓗᒃ ᐱᓗᐊᙱᑦᑐᓂᒃ ᐅᕝᕙᓘᓐᓃᑦ ᐊᒃᓱᐊᓘᕈᔪᒃᑐᓂᒃ ᐊᑐᕐᓗᑎᑦ, ᐃᓚᐅᓪᓗᑎᒃ: 

• ᐋᓐᓂᐊᕐᓗᑦ, ᐊᐅᐸᖅᓯᓗᓂ, ᐆᓇᖅᓯᓗᓂ, ᐅᖏᓚᒡᓗᓂ, ᐳᕕᓕᕐᓗᓂᓘᓐᓃᑦ ᑲᐱᔭᐅᕝᕖᑦ,
• ᑕᖃᖓᕐᔪᐊᕐᓗᑎᑦ,
• ᓂᐊᖁᙳᓗᑎᑦ,
• ᒥᕆᐊᙳᓗᑎᑦ,
• ᓄᑭᑎᑦ ᐅᕝᕙᓘᓐᓃᑦ ᓇᒡᒍᐊᑎᑦ ᐋᓐᓂᐊᕐᓗᑎᒃ, ᐊᒻᒪᓗ
• ᐆᑎᕐᓇᕈᔪᓘᑎᑦ ᐊᒻᒪᓗ ᐆᓕᑲᑕᒡᓗᑎᑦ.

ᑕᒪᒃᑯᐊ ᖃᓄᙱᑦᑐᑦ ᐅᔾᔨᕐᓇᕈᑏᑦ ᑖᓐᓇ ᑎᒦᑦ ᓴᓇᓇᓱᒃᑎᓪᓗᒍ ᓴᐳᔾᔨᓯᒪᔾᔪᑎᓂᒃ ᐊᒻᒪᓗ ᑕᒪᒃᑯᐊ ᓇᓗᓇᐃᒃᑯᑕᑦ ᑕᐃᒪᐃᑦᑐᓐᓃᕇᕐᓂᐊᖅᑐᑦ ᐅᓪᓗᐃᑦ ᖃᔅᓯᒐᓚᐃᑦ ᐊᓂᒍᖅᐸᑕ. 

ᓇᓗᓇᐃᒃᑯᑕᑎᑦ ᐊᖏᓂᖅᓴᐅᒃᐸᑕ ᐅᕝᕙᓘᓐᓃᑦ ᐱᓗᐊᓕᖅᐸᑕ, ᑐᓴᕋᓱᐊᕐᕕᒋᔪᓐᓇᖅᑕᑎᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑏᑦ. ᒪᓕᒃᑯᑎᒃ ᓄᕙᒡᔪᐊᕐᓇᖅ-19-ᒧᑦ, ᖃᐅᔨᓴᖅᑕᐅᓪᓗᐊᖅᑐᑎᑦ ᐊᒻᒪᓗ ᓇᖕᒥᓂᖅ-ᐃᓄᑑᓕᕐᓗᑎᑦ ᑭᓯᐊᓂ ᖃᐅᔨᓴᕈᑏᑦ ᖃᐅᔨᔭᐅᔪᑦ ᐊᑐᐃᓐᓇᐅᓕᖅᐸᑕ.

ᐊᑐᖅᑕᐅᒐᔪᙱᑦᑐᖅ, ᐱᓗᐊᖅᑐᓂᒃ ᐊᒃᑐᐃᓃᑦ ᑕᐃᔭᐅᔪᑦ ᐊᑦᑕᕐᓇᓪᓚᕆᒃᑐᑦ ᑎᒥᐅᑉ ᐱᐅᒃᓴᙱᔾᔪᑖ ᐊᑐᖅᑕᐅᑐᐃᓐᓇᕆᐊᓕᒃ. ᑕᐃᒪᐃᒐᔪᖕᓂᖅᓴᐅᔪᑦ ᐊᒥᓲᓗᐊᙱᑦᑐᑦ ᑎᑦᑕᑦ ᐊᓂᒍᖅᑎᓪᓗᒋᑦ ᐅᕝᕙᓘᓐᓃᑦ ᓯᕗᓪᓕᕐᓂᑦ ᐃᑲᕐᕋᓂᑦ ᑲᐱᔭᐅᕌᓂᒃᑳᖓᕕᑦ. ᑕᒪᓇ ᐱᔾᔪᑎᒋᓪᓗᒍ, ᐃᓄᐃᑦ ᑲᐱᔭᐅᔪᑦ ᓄᕙᒡᔪᐊᕐᓇᖅ-19-ᒧᑦ ᑲᐴᑎᒧᑦ ᑕᐃᑲᓃᖏᓐᓇᓚᐅᑲᖃᖅᑕᖁᔭᐅᔪᑦ 15 ᑎᑦᑕᑦ ᑲᐱᔭᐅᕌᓂᒃᑳᖓᑕ ᑖᒃᑯᐊ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑏᑦ ᐃᖅᑲᓇᐃᔭᖅᑏᑦ ᖃᐅᔨᓴᕈᓐᓇᕐᓂᐊᕐᒪᑕ ᐃᓄᖕᓂᒃ ᐱᑕᖃᕐᓂᕈᓂ ᐊᒃᓱᓗᐊᖅᑐᓂᒃ ᖃᓄᐃᓪᓕᔾᔪᑕᐅᔪᓂᒃ.

ᖃᓄᐃᓪᓕᓃᑦ ᓇᓗᓇᐃᒃᑯᑕᐅᙱᑦᑐᑦ ᐃᒪᐃᒃᑲᓗᐊᕐᒪᖔᑦ ᐃᒪᐃᙱᒃᑲᓗᐊᕐᒪᖔᑦ ᑲᐴᑎ ᐊᑑᑎᖃᕐᓂᖓᓄᑦ.

ᓱᓕᔪᖅ ᑖᒃᑯᐊ ᖃᓄᐃᓪᓕᔾᔪᑏᑦ ᐊᑐᖅᑕᐅᒐᔪᒃᑑᖕᒪᑕ ᓇᓗᓇᐃᒃᑯᑕᐅᓪᓗᑎᒃ ᑖᓐᓇ ᑲᐴᑎ ᐊᑑᑎᖃᕐᓂᖓᓂᒃ ᐊᒻᒪᓗ ᑎᒦᑦ ᓴᓇᕙᓪᓕᐊᖕᒪᑦ ᓴᐳᒻᒥᔾᔪᑎᒃᓴᓂᒃ. ᑭᓯᐊᓂᓕ, ᑕᒪᓐᓇ ᑐᑭᖃᙱᑦᑐᑦ ᐃᓱᒫᓘᙱᓪᓗᑎᑦ ᖃᓄᐃᓪᓕᔾᔪᑎᖃᙱᒃᑯᕕᑦ. ᓲᕐᓗ, mRNA ᑖᓐᓇ ᑯᐴᑎ ᓴᖅᑭᑎᑦᑎᓲᖅ ᓴᐳᒻᒥᔾᔪᑎᒃᓴᓂᒃ ᐊᓐᓇᐅᒪᔾᔪᑎᓂᒃ ᐅᖓᑖᓄᑦ 90% ᑲᐱᔭᐅᔪᓂᒃ ᑕᐃᑲᓂ ᐋᓐᓂᐊᕐᕕᖕᓂᑦ ᖃᐅᔨᓴᖅᑕᐅᔪᓂᑦ, ᑭᓯᐊᓂᓕ 50% ᐅᖃᖃᖅᑕᖅᑐᑦ ᖃᓄᐃᓪᓕᔾᔪᑎᖃᙱᓐᓂᕐᒥᖕᓂᒃ. ᐊᓯᐊᒍᑦ ᐅᖃᕐᓗᒍ, ᐊᑕᖏᐸᓗᒃᖢᑎᒃ ᐃᓄᐃᑦ ᐊᑐᖃᑦᑕᙱᑦᑐᑦ ᖃᓄᐃᓪᓕᔾᔪᑎᒥᒃ, ᑭᓯᐊᓂᓕ ᐊᑕᖏᖅᑐᒥᒃ ᐊᓐᓇᐅᒪᑎᖃᑦᑎᐊᓕᖅᐸᒃᑐᑦ.

ᑕᐃᒪᐃᒻᒪᑦ, ᐃᒃᐱᒍᓱᙱᒃᑲᓗᐊᕈᕕᑦ ᖃᓄᐃᓪᓕᔾᔪᑎᓂᒃ ᐱᐊᓂᓯᒪᓕᖅᑎᓪᓗᒍ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᓃᑦ, ᐃᓱᒫᓘᑎᒃᓴᐅᙱᑦᑐᖅ ᑕᒪᓐᓇ – ᑕᐃᒪᓐᓇᑦᑕᐃᓐᓇᖅ ᓱᓕ ᓴᐳᔾᔭᐅᓯᒪᓂᐊᖅᑐᑎᑦ ᑕᐃᒃᓱᑐᓇᖅ ᐊᑐᖅᑐᕕᓂᕐᑐᑦ ᖃᓄᐃᓪᓕᔾᔪᑎᓂᒃ!