ᑖᒃᑯᐊ ᑐᓴᐅᒪᔾᔪᑏᑦ ᐋᖅᑭᒃᓱᑕᐅᓚᐅᖅᑐᑦ ᑖᔅᓱᒧᖓ ᐃᑭᐊᖅᑭᕕᖕᒧᑦ ᑖᒃᑯᓇᙵᑦ ᐋᓐᓂᐊᖃᕐᓇᙱᑦᑐᓕᕆᔨᓪᓚᕆᖕᓂᒃ ᐊᒻᒪᓗ ᑭᒃᑯᓕᒫᑦ ᐋᓐᓂᐊᖃᕐᓇᙱᑐᓕᕆᓂᕐᒧᑦ ᖃᐅᔨᒪᔨᑕᕐᓂᒃ ᐊᑐᖅᖢᑎᒃ ᑲᓇᑕᐅᑉ ᒐᕙᒪᖏᓐᓂᒃ ᐊᒻᒪᓗ ᐊᓯᖏᓐᓂᒃ ᑭᒡᓕᓯᓂᐊᖅᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᖔᖅᑐᓂᒃ. ᑐᑭᒋᙱᑖ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᖃᐅᔾᔨᒋᐊᕈᑎᐅᓗᓂ. ᕿᓂᖃᑦᑕᕐᓗᓯ ᐊᔪᙱᔾᔪᑎᓕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑎᓂᒃ ᐊᐱᖅᑯᑎᒃᓴᖃᕌᖓᔅᓯ ᓄᕙᒡᔪᐊᕐᓇᖅ-19-ᒧᑦ ᑲᐴᑎᐅᑉ ᒥᒃᓵᓄᑦ.
ᑲᐱᔭᐅᓂᕕᑦ ᑎᑎᕋᖅᑕᐅᓯᒪᓂᖏᑦ ᓄᓇᐃᑦ ᐊᕕᒃᑐᖅᓯᒪᔪᑦ ᐅᕝᕙᓘᓐᓃᑦ ᓄᓇᕘᒥᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᑐᖅᑯᖅᑕᐅᓯᒪᓂᐊᖅᑐᑦ. ᐅᖃᐅᓯᐅᒐᔪᒃᑐᖅ, ᑎᑎᖅᑲᑦ ᐊᒻᒪᓗ/ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᐊᔾᔨᖏᑦ ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᔾᔪᑎᑎᑦ ᑎᑎᖅᑲᖅ ᐃᓕᖕᓄᐊᖅᑕᐅᓂᐊᕐᒥᔪᑦ. ᐊᑏ ᖃᐅᔨᒋᐊᕆᑦ ᓄᓇᔅᓯᓐᓂᑦ ᐋᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᐅᕝᕙᓘᓐᓃᑦ ᑲᐱᔭᐅᕝᕕᖕᓄᑦ ᑐᑭᓯᖁᓪᓗᑎᑦ ᑭᓱᑦ ᑎᑎᖅᑲᖁᑏᑦ ᑐᓂᔭᐅᓂᐊᕐᒪᖔᑕ.
ᐄ, ᐃᑲᔪᖅᑕᐅᔭᕆᐊᖃᕈᕕᑦ ᓇᒧᖓᐅᔭᕆᐊᖃᕐᒪᖔᑦ ᑲᐱᔭᐅᕝᕕᖕᓄᑦ ᑲᔪᓯᓂᐅᕙᒃᑐᓄᑦ, ᐅᕝᕙᓘᓐᓃᑦ ᐃᑲᔪᖅᑕᐅᔭᕆᐊᖃᕈᕕᑦ ᑐᓵᔨᖃᕆᐊᖃᕈᕕᓪᓘᓐᓃᑦ, ᓇᒃᓴᕈᓐᓇᖅᑐᑎᑦ ᐊᑕᐅᓯᕐᒥᒃ ᐃᓄᖕᒥᒃ.
ᓇᒃᓴᓪᓗᐊᖅᑐᑎᑦ ᐅᓄᖅᑐᓕᐅᖅᑕᐅᓯᒪᔪᓂᒃ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᐊᔾᔨᖏᓂᒃ ᖃᐃᕝᕕᒃᓴᕐᓄᑦ ᓇᓗᓇᐃᔭᐅᑎᓂᒃ (ᑎᑎᕋᖅᑕᐅᓯᒪᔾᔪᑎᓂᒃ). ᓇᒃᓴᓪᓗᐊᕐᒥᔭᐃᑦ ᐋᓐᓂᐊᕐᕕᓕᐊᕈᓐᓇᐅᑏᑦ ᐱᖃᕈᕕᑦ.